精子is money: 第137章 轉校

「哈，抵佢死啦。」

係廁格既我一直聽得好清楚佢地所講既野，亦明白佢口中所指既人係藍佑龍。



「係喎……」

「乜呀又？乜你咁撚煩，咁多野講架？有野就快手講埋佢喇。」




「唔係呀我想講藍佑龍走左之後，學校仲有邊個靚仔得過我地？」


「嗯無錯，咪住先，乜野我地，你唔好亂講，只係我一個姐。」沖完廁既我行出去洗手正正聽到藍佑龍前

跟班講出呢句，睇黎佢相當有自信，而佢只係一個普通ＭＫ仔樣，連藍佑龍都不及。

我隨便咁望左佢一眼，睇黎佢見主人有機會退學就想取而代之，不過諗深一層校草呢個位真係幾多人想做既，可以渣正名義去食女，又有邊個唔想呢？




此時，ＭＫ們已經離去，而正對住塊鏡洗緊手既我非常滿意今次香蕉傳媒所報導既手法，從玻璃折射中可以睇得出現時既我嘴角正微微掦起一個迷人弧度。

眨下眼又黎到放學，雖然我同唐梓晴已經成為情侶，但係校內我同唐梓晴只係普通同學，

傾計既次數甚至乎俾之前更少，只係去到每日放學溫書既時候先有得談談情說說心，當然每次電燈膽吳亦菲都係到。

為左唔想浪費今個週末，我襯吳亦菲去廁所既時候，主動邀請唐梓晴聽日去約會。

「難得聽日放假喎，不如我地去一個只係屬於我地兩個既地方玩下啦。」我突然向唐梓晴講，講完先發覺自己有少少唐突。



「好呀。」唐梓晴無任何猶豫，即刻答應我既要求。

「喂，你地講緊咩呀？

不知不覺間，吳亦菲靜靜雞從背後抱住唐梓晴。

「無咩呀。」我立即否認。

「車，有咩唔俾得我知喎……？唔通你地拍緊拖？」吳亦菲嘟起個嘴講。

我並無回應吳亦菲而係望住唐梓晴，同時心入面都好緊張唐梓晴會點答。

「係呀！你點知既？唐梓晴回應。



我聽到唐梓晴句話非常開心，雖然我同佢係學校無得高調拍拖，但至少佢係好姊姊面前承認左我地係情侶關係。

「哦，怪唔之得啦。」吳亦菲眼中閃過一絲異色，不過呢一切逃唔過我敏銳雙眼。

「係呢又夠鐘啦，今日就咁啦聽日見，你地返去記得小心ｄ呀。」我望住手機上既時間又到返工既時間。


「你地今日有無睇新聞？係關於我地學校Ａ班果個藍佑龍呢……

我一返到公司，我就聽到林舒寶把聲，林舒寶岩岩果句正正落係我耳中，殊不知我就係呢個消息發放者。

「我反而覺得佢幾慘，咁隱私既野都俾人講出黎。」呢句係李右婷講既。

「咦，啊積你黎左？」林舒寶發現左我，搞到我無得再偷聽佢地討論。



「係喎，你對藍佑龍單野又點睇？」林舒寶竟然問埋我。


「我？不唔好講呢ｄ啦，一間放工去食野好無？」一黎為左避開呢個敏感既話題，二黎真係好耐無佢地食過野。

林舒寶：「好呀。」

李右婷：「你請？嘻嘻？」

我：「無問題。」

李右婷；「既然有人請既話，我唔去試下好似唔俾面咁。」

林舒寶：「咁阿牛呢？」



阿牛：「好。」

林舒寶：「咁諗下一間去邊食野啦。」

我：「不如就食返街口果間雲吞麵啦，好無？」

除左李右婷外，包括我一眾齊聲講：「好！」

林舒寶：「阿婷，我諗你應該未食過街口果間雲吞麵，真係好好味架。」

李右婷：「係？咁一間就真係要試下係咪真係咁好味先。」

就係咁你一言我一語，一講到食野就垂涎三尺咁，相信係店內聽到既客人都會好驚訝，

我諗佢地此時既諗法係竟然有班大膽既員工未放工就傾定放工食乜好，傾傾下話咁快就黎到收舖既一刻。