我嘅職業係專溝人地個女朋友: 1.4

「阿輝，不如我地分手啦...」
 
「下? 點解呀? 係咪我有咩做得唔好令你唔開心呀?」
 
「唔係呀! 你無唔好… 只係近排我發覺自己鍾意左另一個男仔，我想同佢發展，所以..我唔可以繼續同你一齊。對唔住呀...」
 
「佢...佢係咩人黎架?」
 
「佢係一個前排我意外識嘅男仔...」
 




「佢...對你好好?」
 
「嗯... 最重要係我地好夾，佢好似永遠都好知我需要d咩咁... 
 
對唔住呀阿輝，係我對你唔住... 雖然我知我衣家講咩都無意思，不過我都想話你知我同佢之間係清清白白，我無背住你做過任何對你唔住嘅野，我地無一齊架...」
 
「傻妹... 我知你都唔想。你肯選擇話我聽而唔係背住我偷偷同佢一齊咁已經好好架喇…
 
如果衣個係你嘅選擇我會接受，只要你肯定佢真係比我更加適合你就得... 對我黎講，你過得開心同幸福先係最重要... 
 




我只係痛心可以比幸福你果個人再唔係我...」
 
「阿輝...多謝你呀...」
 
「可唔可以最後送多個擁抱比我?」
 
「嗯...」