我嘅職業係專溝人地個女朋友: 11.23

回到現實
 
「你... 點解喊成咁嘅?」
 
黎伯就係當年嘅黎浩明，當佢將自己嘅故事講完後，臉上已經不自覺咁佈滿左悔疚嘅眼淚。只但係佢無諗過對面一直聽緊故仔嘅Celia，唔知幾時開始原來都同自己一樣不自覺咁淚流滿臉。
 
「我... 唔知應該點面對你好...」過左陣，Celia哭聲漸止講道。
 
「... 點解? 」黎伯不明所意。
 




「我中文名叫李思柔，你岩岩講嘅鄺善柔就係我姨媽...」Celia 講。
 
「你... 係善潼個女? 唔怪得一直覺得你個輪廓有少少似佢啦... 你叫李思柔? Celia，思柔，原來係咁... 咪住，你姓李，個名叫思柔，唔通你爸爸係...」黎伯突然有左個推測。
 
「無錯，我爹哋就係李立仁...」Celia平靜咁答道。
 
「善潼同李立仁? 點解佢地...? 對唔住...」但黎浩明得到確定後就一d都唔平靜，好驚訝李立仁同鄺善潼點解會無啦啦走埋一齊。不過當想問點解佢地會一齊果陣佢又諗起自己欠左佢地同對面衣個女仔一d野所以又滿臉愧疚咁即刻道歉。
 
「由我出世開始我就淨係知自己有個未見過嘅姨媽，媽咪話姨媽係一個好靚好叻嘅家姐，不過好早就離開左衣個世界... 我想問媽咪點解，但每次見佢提起姨媽都有d傷感我就唔敢再問... 原來佢係自殺仲有個咁嘅故事...」Celia帶住傷感地說。
 




「...你姨媽佢真係好好，好完美。如果佢唔係遇到我毀左佢嘅一生，衣家嘅佢一定仲係某個地方發光發亮，過緊好璀璨嘅人生... 係我親手毀滅左一個咁好咁完美嘅人，所以你明唔明點解過左咁耐我都仲係原諒唔到我自己?」黎浩明自責地講。
 
「其實我應該好嬲好恨你先岩...但頭先見你過左咁耐都仲自責緊，我又發覺自己有d嬲唔落，始終你為左幫姨媽報仇亦已經受到應得嘅懲罰...」Celia有少少可憐以及同情黎浩明。
 
「唔夠，永遠都唔會夠... 你未見過你姨媽唔明佢到底有幾咁好，就算我坐足一世監甚至無埋條命都唔會夠補償我犯嘅錯...」黎浩明痛心咁講。
 
「但係要發生嘅已經發生左，如果你坐監或者死可以換返姨媽條命，我當然唔介意你繼續受罪，但可惜事實係任你再點責備自己，姨媽都唔會再返黎，咁倒不如你襯自己仲可以生存喺衣個世界上果陣做返d有意義嘅事當補償啦...」Celia搖搖頭表示唔讚同。
 
「補償?談何容易呀...」如果真係有野可以補償，黎浩明好願意去做，但佢真係諗唔到。
 




「總好過你衣家咁淨係識內疚但又咩都唔做係度虛渡光陰呀... 」Celia就堅持。
 
「你..爸爸媽媽幾好嗎?」黎浩明稍稍轉移話題。
 
「幾好呀，佢地岩岩退左休衣家去緊環遊世界呀~」提起父母Celia嘅面色就好返d。
 
「咁就好...」見李立仁同鄺善潼仲可以開心幸福咁生活黎浩明都有返少少安慰。
 
「佢地其實都係繼承左姨媽嘅遺願，努力咁想為天下間嘅情侶出一分力~ 所以其實你都可以架，好似你衣家衣篇訪問咁，其實都係勸戒緊人唔好出軌同貪新鮮，咁某程度上都係幫姨媽做緊佢一直想做嘅野呀...」思柔嘗試安慰黎浩明。
 
「繼承遺願? 唔通佢地... 做左愛情輔導員?」諗起善柔嘅理想黎浩明問。
 
「係呀，佢地間野好出名架，叫”壞人感情輔導所”~不過衣家佢地諗住退休，間鋪可能都會執左佢，又或者之後可能以part time形式繼續run落去，佢地都未決定呀~」Celia帶點自豪咁講。
 
「”壞人感情輔導所”? 個名咁攪笑嘅... 點解要叫壞人?」黎浩明聽完後問。




 
「我本身都唔知點解，因為佢地唔肯講我聽... 但前排我無意中訪問左另一個釋囚，從佢口中聽左個故仔，然後再結合埋你岩岩講嘅故事，我突然有左個推測...」Celia意有所指咁講。