我嘅職業係專溝人地個女朋友: 12.51

童年你與誰渡過 聖詩班中唱的歌
再哼一哼可以麼
當時誰與你排著坐 白色恤衫灰褲子
再穿一穿可以麼
 
遺憾我當時年紀不可親手擁抱你欣賞
童年便相識 餘下日子多閃幾倍光
誰讓我倒流時光一起親身跟你去分享
能留下印象 閱覽你家中每道牆
拿著你歌書 與你合唱

 
從前你與誰路過 逛的公園有幾多
再走一走可以麼
當時誰對你凝望過 是否真的比我多
再演一演可以麼
 
遺憾我當時年紀不可親手擁抱你欣賞
童年便相識 餘下日子多閃幾倍光
誰讓我倒流時光一起親身跟你去分享
遺憾印象 沒有你家中那面牆

拿著你相簿
 
從前拍過的相
多麼妒忌你昨日同過的窗
早些看著你美麗模樣
對你天真的讚賞
 
「咦，哩首咩歌嚟㗎? 未聽過但好好聽喎~」有日仲係少年嘅郭子安喺李思柔屋企玩嗰陣，突然聽到屋企播緊哩首歌於是問。
 
「唔知呀，前排嗲哋執嘢嗰陣搵咗堆舊CD出嚟，所以近排成日都喺度播舊歌，等我問下佢先~」李思柔答完然後就大聲問李立仁。




 
「哩首歌叫時光倒流二十年，喺嗲哋後生嗰陣有個好出名嘅歌手唱㗎。」李立仁聽到愛女嘅問題就答。
 
「首歌個旋律好好聽喎，係講咩㗎?」李思柔問。
 
「um...類似係講有個男仔好鍾意個女仔，鍾意到好遺憾自己唔可以早啲認識對方，miss咗同對方細個嗰陣可以有嘅一啲經歷，同時亦好羨慕嗰啲同對方可以有兒時回憶嘅人。」李立仁諗咗陣後答。
 
「哦，I see I see，咁個男真應該真係好鍾意個女仔先有咁嘅感覺喎~」李思柔眼仔一碌然後講。
 
「哈哈，係呀，不過至少佢可以同個女仔一齊，都應該要知足啦，唔係就算有兒時回憶但最後無得一齊咁咪仲慘...」李立仁帶點黯然意有所指咁講。
 
 
「嘻，首歌雖然好好聽，不過哩首歌唔會啱我地聽㗎~」等李立仁走咗後李思柔就細細聲咁同郭子安講。
 
「點解??」郭子安有啲不明所意咁望住李思柔。




 
「因為我細個嘅童年都係同你一齊過囉~ 陪我唱聖詩，逛公園嗰個唔係就係你咩? 咁第日你實唔會有哩啲遺憾啦~」李思柔對郭子安甜甜一笑說。
 
「哈哈，係喎，咁哩首歌真係唔啱我地，原來我地咁好彩~」
 
童言無忌，當時年紀仲小嘅佢地並無意會李思柔哩句說話背後嘅含意，或者當時佢地暗地裏其實都已經認定咗對方就係自己將來嗰一個人。
 
只係佢地當時都忽略咗李立仁最後嗰句落寞嘅說話...