我無啦啦同隻芝娃娃交換咗身體，跟住無啦啦又遇上喪屍大爆發: （21）

「轟隆！」

「滴噠滴噠滴噠—」

陰沉嘅天空終於落起大雨。

我拿拿臨搵個地方匿埋避雨，相反啲喪屍唔怕淋雨，繼續喺露天嘅地方遊蕩。

老鼠嘅體型好細粒，可以四處捐窿捐嚹。





而同時我嘅視線好狹窄，大部分時間只係睇到貼近地面嘅情況，如果要望高少少，咁就要停低趌高個身。

「滴噠滴噠滴噠—」

雨越落越大，我路過見到級樓梯，先一嘢跳上去，跟住睄到前面有條門嚹，直接就捐咗入去。

「噹鏘！」

點不知一入到去，就聽見打爛嘢嘅聲音，仲要好大好大聲，嚇到我當堂震曬。





然之後，我見到面前有一排櫈腳同檯腳，地下亦有碎咗嘅杯杯碟碟，以及匙羹刀叉。

喺檯櫈之間，有幾對人嘅腳喺度跑嚟跑去，並且聽見好嘈吵嘅爭執聲。

好奇嘅我想知發生咩事，於是跳上去一個高啲位置睇吓。

老鼠係有攀爬同跳躍能力，我跳上一張櫈，再跳上檯。

我環顧四周，雖然睇嘢有啲矇，但從室內嘅裝修同佈置，大概都睇得出呢度係茶餐廳。





而喺茶餐廳入面，一共有四條友，當中兩個係身形健壯嘅大隻佬，另外仲有一個著格仔恤衫嘅男仔，同一個對波幾大嘅女仔。

一個大隻佬手臂有紋身，佢追住個大波妹好似想姦佢：「哈哈！你走呀！我睇你走得去邊！哈哈哈！」

「走開呀！唔好埋嚟呀！」個大波妹一路走避，一路擸起周圍啲嘢掟個紋身佬。

而另一個大隻佬著住件充滿gay味嘅粉紅色背心，正雙手㩒住個恤衫男喺張檯度。

個男仔身上件格仔恤衫被撕到爛曬，喺佢好盡力掙扎嘅同時，好大聲咁同個女仔講：「Irene，你唔使驚架，我一定會嚟救你架！」

「哈哈哈！你顧掂你自己先啦！」粉衫大隻佬由兩手換成一隻手箍住恤衫男條頸，另一隻手就拉低佢條褲。

跟手「啪」一聲打落個屎忽到，並發出淫賤嘅笑聲：「Hehehehe！」

照咁情形睇嚟，呢兩個大隻佬分明想強姦呢一對男女。





喺呢個喪屍橫行嘅世界，社會早就失去秩序，姦淫擄掠呢啲事係必然會發生。

間茶記嘅大門俾木板封實咗，出面啲喪屍入唔到嚟，裡面嘅人亦出唔到去。

呢一對無辜嘅男女今日睇怕都插翼難飛。

我呢隻事不關己嘅老鼠，做唔到啲咩，只有就剝住花生等睇戲。