我想喺夜場搵真愛，你陪唔陪我癲？: 二十三.

性慾同理智一直喺我個腦裡面大戰，直到佢哋送完Edmond返嚟。

「瞓啦。」Abbott放低個袋。

講完，佢哋三個就爬咗上床。

一張雙人床，根本冇可能夠五個人平攤。

啊樂同Katy打側個身攬埋咗一舊，我見到之後都瞓落咗少少，將個頭埋落去佢心口到。





佢攬住我，我感受到嗰種我好想要嘅安全感。

嗰一刻，我就好似變咗隻狗咁。

將自己比喻做狗好似係一個貶義詞，但我好鍾意呢個「做狗」嘅感覺。

我就咁樣係佢溫暖嘅懷抱裡面，得閒就用啲頭髮抆下佢，好快就瞓着咗。

另一日，我早過佢起身。





我抬頭望住佢瞓教個樣，真係有嗰種好靚嘅感覺，唔係因為佢冇落妝，係朝早晨光照落嚟嗰種Buff。

晨晝我哋終於起曬身，就出咗去銅鑼灣飲茶。

其實我仲有少少宿醉，唔係好清楚自己做緊咩。

食完個飯，佢哋都各自返去，而我就送Clover返屋企。

我同佢都好似未瞓醒咁，成程車都冇咩點講嘢，直到我哋返到淺水灣。





「我唔洗咁早返去，有咩想做？」佢問我。