我想喺夜場搵真愛，你陪唔陪我癲？: 二十八.

唔想幫佢洗唔係因為我唔想郁手，而係我好撚鍾意人類最天然嗰隻味。

講唔講好呢？唉，都係算啦，我呢個諗法太奇怪喇。

頭都洗濕咗，照洗啦。

我慢慢將啲洗頭水捽落佢個頭到，然後按摩下佢個頭，最後沖水。

我用毛巾幫佢抹咗抹頭，然後包住佢個頭：「行啦，去吹頭。」





佢起身行出浴缸抹身，然後就行返出去坐咗喺梳妝枱前面。

我抹乾身着返底褲行出去，然後就喺櫃桶拎咗個風筒出嚟。

我坐喺佢後面，一邊順佢啲頭髮，一邊吹乾佢。

「其實你第一眼望到我有咩感覺？」我突然諗到呢個問題。

「MK仔、PlayBoy、想呃蝦條。」佢好直接咁講。





我想唔認，但我個造型就係似呢種人。

「有冇個好少少嘅形容詞嚟聽下？」

「好似…又冇。」

我有少少失望，但其實都預咗。

「好啦，吹乾啦。」我收返個風筒：「其實我唔係啲咁嘅人。」





「點講法？」佢跳上床。

「嗰日你醉咗，真係想搞嘅會做咩？」我反問佢。

我瞓喺佢對波上面，佢攬住我。

「我都冇醉。」佢喺到掃我背脊。
​​​​​​​