我想喺夜場搵真愛，你陪唔陪我癲？: 五十四.

我拎住啲嘢行咗個圈，然後再行返上去。

去到門口嘅時候，我睇多次Whatsapp，佢都係未覆。

應該咁啱好冇響通知啫，Whatsapp個通知成日都唔響。

我Send多個Message比佢，然後就行咗上天台。

我望住個天，煙一枝接住一枝咁點。





我都唔知過咗幾耐，淨係一直喺到吸同呼，喺我諗住再拎煙嘅時候…

冇曬啦。

一包二十枝，比我食曬。

我拎電話出嚟睇，都過咗個半鐘，但佢都係未覆。

喺我諗住行返落去嘅時候，有人行咗出嚟。





「仲諗住搵你喺邊，原來你喺到。」佢講：「做咩唔落去啊？」

「冇啊，唔開心啫。」我喺到扮冇事。

「同條女有關？」

「都係嘅。」

「咁你想我點幫你？」





「唔知啊，傳下話啩。」

「咁好啦。」

講完，佢就轉身行返落去，而我就坐喺到望住個天。

再半過鐘過去，佢冇上嚟，都冇覆我。

越坐，我就諗越多嘢，就越唔開心。

佢冇坐我隔離、佢冇理我。

與其一個人喺到鳩坐等佢理我，不如上DC問下佢哋？

「直接啲講啦。」





呢個係我得到嘅回覆。

既然係咁，就同佢講啦。

我起身行落去，返到門口。