中六個年 我鍾意左叫我起身個女仔: 籃球比賽(二)
熱完身之後，基本嘅運球動作都已經做熟曬。
我放低練習用嘅籃球，一步一步向拎號碼衫嘅長枱行過去。
我行到長枱嘅時候，枱上面就淨返一件號碼衫，而呢個號碼都好明顯係到詛咒緊我。
「67」
雖然我已經預左輸，只係希望唔好輸我太難睇，畢竟我地只不過係臨時湊出嚟嘅雜牌軍。
不過，呢個號碼會唔會邪得濟。
我着上號碼衫，行到我嘅隊友身邊。
而家就係等比賽開始，應該係話…等死。
只要我有入波，我就唔算係戰犯。
我企係後排，如果個波拍嚟我呢邊，我就算係要撲過去，我都要搶到個波，因為呢個好有可能係我哋呢邊唯一可以拎到波嘅時機。