中六個年 我鍾意左叫我起身個女仔: 好人(八)

架車嚟到終點大美督直接嚟咗個急停，向晴就咁撞向前面個櫈背到。

「啊！屌你老母！」

爆粗嗰個唔係佢，而係我。

佢比我嘈醒咗：「落車喇？做咩呀？」

「係要落車，不過你睇下你前面先。」我隻手僵咗喺原位。



無錯係，我攝隻右手過去幫佢墊住咗。

佢終於意識到咩事；「Holy Fuck！」

「落車先啦。」

我起身，佢跟喺後面。

一落車，佢就捉住我隻右手呵咗啖氣，然後好溫柔咁捽咗兩下。



「冇架啦，隻手廢咗，一間你自己影啦。」我講笑咁講。

「你講多次。」佢捉住我隻手，用一種邪惡嘅眼神望住我。

我縮返隻手返嚟揈兩揈：「冇呀，冇事，仲大力咗。」

「咁先啱架嘛。」佢摸咗摸我個頭。

佢摸落嚟嗰下，我打咗個冷震，之後佢偷笑咗一下，懷疑發現咗我係M屬性。



「行啦狗仔，嘻！」

講完，佢就昂首闊步咁向燒烤埸行過去。

如果係第二個比人叫狗仔應該會發脾氣，但係我係M底，仲要係好撚嚴重嗰隻。

所以說想講…真係好撚正。

我哋沿住單車徑一直行，行到去水壩先坐低休息。

我周圍望咗下，見到有個啊伯推住車仔企咗喺圍柵前面，車仔上面插住幾支冰糖士多啤梨。

我擺低相機：「你睇住先，我去買嘢食比你。」

「好啊！快啲快啲！」佢一邊拍手一邊講。



我起身行過去，淨係買咗罐可樂、雪條同埋冰糖士多啤梨就已經用左五十蛟。

好撚貴，但係我應承咗佢，加上啊伯幾廿歲人推架車上嚟都唔易。

我拎住啲嘢都未坐低，佢就即刻除口罩搶走曬啲嘢，然後瞬間開餐。

佢大啖大啖咁咬落去個冰糖士多啤梨到，整到成塊面都係，食到好似隻豬咁，I mean寵物豬，即係好得意。

唔洗幾分鐘，佢就將所有嘢擺曬落肚，而我仲Keep住望實佢。

「望住我做咩呀？」佢打側個頭。

我冇答佢，只係伸手過去用手抹一抹佢塊面。



「唔…唔該。」佢講嘢卡下卡下，好似好怕羞咁。