[HEHE] 難道和你一起真的是這麼難嗎？: －－－－－第七章：過去－－－－－

完事後的第一個清晨，
二人起床了。

他們二人到了樓下商場的大型食物廣場，
買了食物，便找了個座位，二人安坐下來。

二人四目對望，非常恩愛。
同時，曉峰亦選擇誠實地，向梓楠說出過往的感情史。

「係呢…有樣野，我一定要坦白同你講。」


「講啦，依家我地有咩唔講得，你既秘密姐係我既秘密！」

曉峰嚥下口水，一五一十地向梓楠說清楚。

「其實，我一早已經係同志。比你更早。」
「睇得出啊，你個樣已經話左比我知，有樣睇嫁傻仔，你估我唔識分咩。」

「我，以前仲有過一個男朋友，而依個人係拔拔。」
「我以前同拔拔個陣好開心架，日日都去玩，我地仲一齊買左張全年證去利露娓樂園玩，差唔多暑假日日都去玩，玩極都唔悶。」
「拔拔對我好好，成日帶我周圍玩，一有啲Joint School Activities都帶埋我去，所以我識到好多朋友。」


「如果冇佢，我諗我冇今日既我。」

「咁唔怪得你地兩個個陣日日放學成枝箭咁走左出去，想追你地都追唔到。」
「咁我依家咪比你追到囉！傻仔。」

「不過，我地只不過維持左半年。」
「我到依家都仲好記得個日。」

「十二月二十五日，聖誕節。正是我生日當日，亦正是我們分開的日子。
　


　個日，我推晒所有朋友既約，因為拔拔話只想同我慶祝。
　個日，我上左佢屋企，
　屋企入面，掛起晒我同佢既相，錫錫既相，拖手，咩都有，咁當然我同佢就未咩過啦。
　我心好暖，因為冇人為過我咁做，包括屋企人。
　我地一齊唱生日歌，一齊餵對方食蛋糕。
　食完蛋糕，我即刻沖過去拔拔到，攬住佢。
　「我今年既願望，就係你。」
　之後我就鍚左佢一啖。」

「幾感動啊，有佢依個男朋友真係好。」

「可惜，事與願遺。
　估唔到三色台啲野又會咁岩發生係我地身上，都唔知好笑定喊好。
　就正正係我鍚緊佢個陣，佢媽咪開門。
　


　「你做咩搞我個仔啊！？」
　「唔係我Auntie我同拔拔係真心相愛架！」
　「我個仔點會鍾意你？佢唔係Gay架！
　　你個死Gay佬快啲走，以後唔好再見我個仔！」
　
　佢講完之後我仲比佢打左餐，佢仲痴線到想拎把刀斬我。
　咁個晚，拔拔佢偷偷地打比我，話分開一陣先，依家情況唔允許我地再繼續一齊。
　而到依家，我地都仲係冇機會係番埋一齊。」

「原來係咁…」

「不過你信我！我會好似拔拔對我咁對你！我唔會比你受到傷害！我發誓！」
「唉得啦得啦，十幾歲人仔咁後生講埋晒啲野咁撚老套。」

真的叫人羨慕，羨煞旁人。