我在英倫身兼數職的日子: 第三章: Interview 到返工
第一次interview 安排在家視像， 本身自問外國畢業， 專長唔止寫code, 係相比之下英文溝通到但又有technical background, 簡單來講就係湊鬼頭老闆， 在香港要搵一個英文好又做開technical 既人係比較難， technical 寫code 好勁但唔溝通的大把，世界仔單係吹水唔做嘢無料也好多，但要英文好又做technical 既就比較少， 所以我做開外資公司，英文溝通方面相信無問題， 事實上見工過程同香港都真係無咩分別， 我都好順利通過左。
之後第二次就係technical test, 我都係第一次網上憑空寫SQL 做test, 好彩多年經驗單係寫在張白紙上點都寫到既，之後當然都過關啦， 就係咁我就成功有左在英國第一份工既offer, 人工年薪係稅前我香港份糧既一半， 屬於散仔level, 不過第一份工就無咩要求啦，但求拿本地工作經驗都好。
在此見工期間有段小插曲， 另外有一個agent 同一時期都有搵我但操一口普通話。難道係祖國叫我回家既訊號？ 心驚驚之下原來見的公司在金絲雀碼頭既上海咩咩銀行， 我在香港都做過銀行IT部， 似乎都有啲相關經驗，而且係世界第二大金融中心區Canary Wharf 喎， 出入都一定靚過返中環啦，曾經都有心動一刻，去到final round既時候我想深一層其實我要逃避既野無謂自己又入返去， 加上老婆反對， 當時又話環制裁，我怕因為接觸銀行敏感資料會有麻煩，返工事小， 影響全家移民事大，所以最後兩個offer 我係反常地take 人工少那個， 那份工除咗係我第一份英倫工， 仲要係我第一份全程在家工作既工， 跟得鬼頭老細多都知objective oriented , 只要交到功課其他野唔會理， 什或是你訓覺都無人會理， 宜家仲要寫在contract 上full remote , 咁咪好正？