《為咗寫故，我同隔離班嘅偽女神假扮情侶》: 簡介

是咁的，我係一個網絡小說作家。

過氣嘅。

為咗鹹魚翻生，我決定盡地一搏，嘗試新題材。

校園愛情故。

但係，寫極都硬係覺得爭啲嘢。





「乜原來你有喺網上寫故架？」

嗰一日，你同我講。

「唔～想再多啲人睇，你仲爭咁一個tag。」

你滿有信心，喺我耳仔邊講咗四個字——

「真。」





「人。」

「真。」

「事。」


「大佬，我寫故啫，你估我真係小說男主角咩……」我抱怨。

「咁我都知，你係A0～」





俾你咁樣潤一潤，我反白眼。

「冇嘅話，咪扮出嚟囉～」

下一秒，你向我提議。

「扮？我喺邊度搵個女主角？」

你唔講嘢，只係鬼靈精咁嘅表情望住我。

「……你？！」

「嗯，就等本小姐扮你真人真事故入面嘅女主角！」








呢一次，我要你成為我生命裏真正嘅女主角。