萬金油與孺子牛: 論交何必先同調

「Michael？」
「我嘈醒你啊？頭先返黎見你咁夜仲喺office。返去休息下先？」
她把外套遞給我，說：「我頭先有少少頭痛嗑左陣，Michael你未走？我地可以傾返晏晝個方向先…」她把桌上倒塌了的文件整理一遍。
「我幫你。」我邊幫忙收拾，邊聽到她餓得「咕咕」作響的肚子，不禁偷偷取笑這位外界公認的女強人，卻這麼小事糊塗。
「方向聽日先傾，你食左飯未啊？同你去食嘢先啦。」
「唔洗啦，我食個三文治，做多陣就走⋯⋯」
「你係咪想傾下個方向啊？反正Donald有野叫我同你講。」我認真問，她仿佛被我逗笑：「你係咪特登架？一路食一路傾都好嘅。」我反應過來，連連解釋：「唔係啊Kerry。其實我聽聞你比較鍾意速戰速決，我怕你…」
「Michael，應該贊你善解人意好，定話你諗得複雜好？我份人好直接架，如果進度太慢我會直接講。咁你係咪想帶我去醫肚？」她微笑，笑起來真的為她的美貌錦上添花。
「西餐啱唔啱？」
「好。我執埋啲嘢先？」




「冇問題。」

「點呀？第一日調部門，慣唔慣？」我主動了解。
「都係咁做啦，要d時間pick up。我怕系班細嘅唔慣我做事嘅方式。」
「唔同上司有唔同風格，一個適應同配合到唔同上司嘅員工，將來都會識做個好上司。」她仿佛略有深意地凝望着我，拓著腮說：「以前唔同部門果陣認為嘅你，好似同而家嘅你有少少出入。」
「咁我都聽聞過我喺你部門嘅評語嘅。」
「你…聽過d 咩啊？」她瞪了瞪眼睛，「放心啦，冇乜特別。」我說。公司中有一些員工比較喜歡跟Kerry辦事除了因為效率高而且更有指引，還是因為她那種管理層所缺的直率。她對上司下屬只要認為不正確便會開口，會是為了事件的好壞而做。所以即使沒什麼城府，她辦事的效率亦自然教人害怕，有很忠心下屬但亦容易樹敵。而我正好相反，我表面隨和好人緣，社交好、不容易樹敵但亦甚少交心，有些員工喜歡在背後稱我為「萬金油」，既煲亦貶。

「咁你調咗過嚟一日咁快就覺得我有啲唔同？」我問，「就係發現其實你都幾細心。」她微笑說。
「多謝。咁係咪即係我以前唔夠細心呀？」




「以前就係唔知，而家先知！」前菜到了，她和我邊吃邊繼續聊。
「頭先Donald叫我同你講，聽晚想我哋跟佢去慈善晚會同Mr Robinson打好關係。同埋Donald佢話會親自比張卡同名店cm卡片俾你。佢希望我哋聽日都揀套靚啲嘅晚禮服出席。」
「OK，冇問題。」
我和她比想像中的更多話題，而且她對於天南地北的知識也很有想法，興趣亦相近，與她相談甚歡。我們除了討論市場策略等，還討論了NFT、元宇宙。猜想到曾總心中的元宇宙發展藍圖，亦了解到Kerry的想法，對將來的拓展大有幫助。

所謂「酒逢知己千杯少」，第一次與她單獨聊工作以外的話題。與她相處感覺很特別，亦特別舒服，她為人確是很直接，至少至今亦未有套路過我。

「你陪我食晚餐，仲請我食，咁點好意思啊？我比返你？」想不到她也會有婆媽的時候。
「當係welcoming dinner？我應該多謝你俾機會我了解你多啲睇法，之後我哋工作上、合作上就可以更加順暢，唔係咩？」
「Michael，我真係唔夠你講。咁今餐多謝你，下次比我請？」




「來日方長。」