萬金油與孺子牛: 偏摘梨花與白人

「阿爸阿媽，我返黎啦！」「爺爺嫲嫲！」…母親從廚房走出來、Michelle從樓上下來、父親在沙發看著報紙，那一瞬間我感受到林泳昕的手心在冒汗，想放開手。
「你唔係咁緊張呀嘛？」我取笑，不讓她掙脫開。
「孫家弘，你放手先啦…」她耳朵又紅了，被我媽和妹妹看見。Michelle震撼地大叫：「Oh My God！孫家弘！你拍拖？」
「我…我走先…」嚇得Kerry想調頭走，我擋在門口：「你頭先唔係話，如果我唔肯定就唔好答你咩？點呀？你而家想走啊？」她怒盯了我一眼，－轉身笑容滿面地對我父母們打招呼：「世伯伯母你好，我叫Kerry，係Michael同事。」
「阿嫂你好，我叫Michelle，係孫家弘個妹。」她一臉奸笑，「唔係啊我同Michael…」Kerry未澄清完，我便打岔：「Kerry就係同我去英國嘅同事。」
「估唔到喎阿哥你…」
「孫家雯唔好咁八卦，快啲幫手開枱食飯！」
「超！」
「媽我去換衫先。」我－手把Kerry牽到樓上我的房間內，把門關上。





「孫家弘你玩咩啊？」她有些害羞又有些不滿地被我拉到床邊坐。
「你頭先問我點解要話你知，我而家答妳…」我認真地望向她，與她告白：「因為我鍾意妳。林泳昕，妳可唔可以做我女朋友？」
「孫家弘，你對我係咪認真架？」她仿佛有些不敢相信。
「認真。」
「你…係咪對個個女仔都係咁好架？」
「而家到你唔信我拿？定係…你唔中意我？」我有些失落，她立即匆匆忙澄清：「我唔係唔信你啊，我係對自己冇信心。」我坐貼她，牽起她手與她十指緊扣：「你就係你，人哋係唔會知道你其實係背後做咗幾多嘢、花咗幾多心思，人哋亦都未必知道真正嘅你，但你最清楚自己付出咗幾多，而呢一個都係你獨一無二嘅地方。其他女仔好唔好我唔知亦冇興趣知，我淨係對妳有興趣。」
「平時你成日遊花園，乜你原來咁口花架咩？」她笑得很甜。
「我講真架。而家遊我花園果個好似係你喎…」我老實地說。

「咁你問多次？」她偷笑，我重新再說一次：「林泳昕，妳可唔可以做我女朋友？」她點點頭，溫柔又壓低聲線回答：「可以。」我溫柔地摟緊她腰把她貼近我，興奮地低聲說：「咁你今晚要唔要留低啊？」




「留你個頭啊…」我對準她的唇吻下去，她的唇很柔軟，我亦吻得更深更熱烘烘。我和她吻著，手在對方腰間擁著，我剛把她壓倒在床上吻，便聽到媽和Michelle在樓下大喊：「弘仔！開飯啦！」
「大佬！唔好掛住溝女啦！餓死你個妹啦！」
「爸爸！！！！」聽到開飯的呼喚聲，我和她近距離相望而笑。我一手拉起Kerry，為她整理一下瀏海，留戀地望向她。
「做咩啊？邊度亂咗啊？」她害羞又緊張地拿起電話照鏡，我按低她的手機，把她的手放在我心頭上：「我個心亂咗。」
「好爛呀你！」她樣子甜蜜得很，雙手繞著我頸，吻向我，令我嘴角也上揚：「咁…食飯？」
「嗯～」

我牽著她手走去飯廳，「大佬大嫂，快啲埋位啦！」「聰聰晴晴洗咗手未？」「洗咗！」他們同時叫道。「大家食飯！」「大家食飯！」…… 晚上我送Kerry回家，因為她家比較小，她家姐一家暫時住酒店。

「你…上唔上黎坐呀？」車到了她樓下，「唔飲茶得唔得呀？」我解開安全帶，烘近她。




「有益架！」
「唔好啦…」
「冇架啦，咁你上唔上呀？」她有點小女生的撒嬌。
「上！」