萬金油與孺子牛: 粉黛羅裙掩鋒芒

Yanny 離開不久，我沖了杯咖啡走進Kerry的房間，並拉下了百葉廉。Kerry看到我，故意不理睬我，似乎有點生氣。

「Kerry，我沖咗咖啡比你～」
「我忙緊啊，你自己飲啦…」她冷淡地看著螢幕繼續打字。我放下咖啡走到她身邊，蹲下身貼近她，溫柔地說：「Kerry大人唔好嬲啦～你想點罰我都得架…唔好嬲我啦…」
她抿了抿唇，有點生氣地望向我：「咁你見唔到Yanny越貼越近咩？佢同李生咩關係你知架，咁你係咪要做下個李生啊？」
我一手把她牽起，她生悶氣的樣子真的很可愛，我把她摟入懷：「咁…你同我一齊去好冇呀？」
「孫家弘你係咪玩嘢？」她睨向我，我立刻變得老實：「咁我搵埋我兄弟一齊去啦，好冇呀？」
「Yanny會比咩？」
「佢都係想喺老李退休之前搵靠山姐～唔使行吓都要好似佢同老李咁嘅關係嘅。」我握住Kerry的手，烘近她：「林泳昕～你有冇咁唔放心我呀？」





「緊係有啦…我男朋友又叻又靚仔，仲咁多女仔追…」她刻意撥開我手，我再把她擁緊：「咁我女朋友夠又靚又叻啦～有事業、又有事業線…」
我不禁手多摸到她胸前的軟綿綿，她輕拍我手背：「喂孫家弘！公司黎架…」
她害羞地推開我，但又拉住我的領呔，與我曖昧對望：「你以後對住d女同事，個中央冷氣同我校細啲！」
「知道Kerry大人～」我烘近她，偷吻她唇一下，她雙耳立刻紅了。
「不如今晚食我屋企附近新開嗰間？我收工換套衫…」
「換衫？」我好奇，她偷偷笑了。

今日在部門中一眾驚訝的目光下，Kerry是最準時下班的那位。Victor和Alan率先把我從辦公室拉出來圍着我討論。

「Co哥！Kerry姐最近唔係同你爭緊世界集團應該好忙嘅咩？第一次見佢咁準時收工，簡直震驚全宇宙！」




「係囉！隔離marketing team佢個幾個心腹密謀儲緊幾個人調過嚟呢邊，睇情形應該九成九都會批。冇理由呢個風頭火勢，佢仲有種春風滿面嘅感覺。」聽到這裏我不禁有點後怕，萬一他們發現我也有這個情況，那豈不是很明顯？
此時Karen他們也走了過來。

「之前世界集團大太子Ken少指定想Kerry跟佢個project。莫非佢睇中Kerry？Co哥你上次見Jerry，佢哋有冇講d咩先？」Karen說得對，不愧是目前Kerry最主要的幫手，消息很靈敏。
「咁其實撇除佢魔鬼嘅辦事守則同恐佈嘅工作速度，Kerry姐本身係靚女黎嘅…」「哇你咩Tastes啊？」「喂Alan我buy Victor喎！Kerry姐未上位之前真係有吸引過唔少男同事架。」「我覺得Yanny好似索d囉。」「重點！Kerry姐最近個樣真係有啲紅粉緋緋！」「睇嚟我哋有救啦！Kerry姐有人要！唔使嫁俾佢份工…」……
他們你一言我一語，我真的不敢想像他們如果發現，Kerry的對象是我，這個部門將會有多沉默。

Karen彷彿發現了我沉默的反應，毫不客氣問：「Co哥，你同Kerry姐同以前係咪有d唔同…」
「有咩…唔同啊…」我被嚇得有點心虛。
「你話我知，Jerry係咪叫你幫Ken少追Kerry，所以你同Kerry走得咁埋？」




對啊！她又提點了我一次，我的事業叫我幫忙追求我喜歡的女人。我笑了笑，假裝看看時間：「你哋唔收工，咁我收工先～」
「咩話！？」
「喂收工啦大家！」……便隨勢去Kerry家附近的餐廳等她。

「Michael？係咪等咗好耐啊？」我等了一會，看見一個補了妝，穿着短袖短裙、妝容比上班好看、身材更顯浮突而且露出了白長腿的林泳昕，走到我跟前。我下意識不斷打量她的身材，短裙讓我腦海遐想不斷，甚至感覺自己起了反應。我從來沒想過，平時西裝配裙、非常有職場殺氣的她，打扮起來居然是女神級。

「林泳昕…你呢個樣好好睇…」我低聲害羞地說，牽著她手，眼睛無法移離她。
「咁…你鍾唔鍾意啊？…」她雙手擁在我腰間身貼身，我感覺到自己全身發燙而且很害羞，我點點頭。
「你塊面好紅啊～」她有點冰涼的手撫摸我臉頰，似乎也感覺到我對她起了反應，接著問：「係咪…要幫你降溫啊？」我有點不好意思，牽著她手去餐牌前：「你着得咁靚，又化咗靚妝，唔好嘥咗，我哋去食野先。」
她一臉留戀地望向我，把我的手握得更緊，貼近我：「孫家弘～你以後…唔准對其他人都咁好…」我被這個傻瓜逗笑了。