萬金油與孺子牛: 疏簾淡月聽風雨

「Michael，原本下個禮拜中山想帶埋你同Kerry，但我問過啲醫生朋友，Kerry而家最好唔好咁多走動，等多一個月之後流產風險就會減到3-5%。我打算安排佢嚟緊呢個月每個禮拜留兩日在家工作。中山帶咗你先，傾成之後再同Kerry跟進。我會打電話同佢講。」
想不到Donald行動力這麼高，兩日前才隨便探討一下，這麼快已經計劃下星期去了解。
「收到。」

「Co哥！Kerry姐冇事吖嘛？」「係囉，暈低可大可小…」「Kerry姐最近咁唔上唔落，最衰都係你啦Michael 哥！」「咪係囉，我哋嗰日仲搞個party你哋！萬金油，你嗰晚對Kerry姐做咗啲咩啊？」……聽到這些話，我不禁有點安心。至少Tammy還未告訴他們Kerry有了我的骨肉，否則整間公司都會炸開了鍋。這個林泳昕厲害啊，用了這麼短的時間就把我部門的人心籠絡。
「係囉我哋兩個department到而家仲講緊你嗰日喺party同Kerry姐，真係超曖昧～跟住呢段時間你又咁公事公辦，搞到Kerry姐失戀。」「我跟咗Kerry姐六年，從來冇見過佢喊成咁㗎！」……
「好啦好啦，唔好再八卦啦你哋！請你哋食lunch啦！想食啲咩啊？」我邊取笑他們邊搖頭。
「多謝Co哥！」「Co哥萬歲！」「我哋睇吓之前新開嗰間日本餐廳…」「之前好多人嗰間呀嘛…」……
不一會，Kerry忽然來電。





「喂Kerry姐？」我淡淡地接聽。但他們立刻安靜了，豎起耳朵八卦。
「孫家弘！我話你知，我係唔會Work from Home！我知你下個禮拜同Donald去中山，所以我更加會留喺Office搞埋世界集團d手尾。我手頭上嘅進度已經比起我嘅計劃慢咗好多，嚟緊你下個禮拜去中山嘅時候我會同阿Ken傾埋啲細節，如果我OT你唔准阻我啊孫家弘！Donald叫我同你商量吓先決定，但你改變唔到我決定。同你講完之後我會覆返Donald。仲有啊，你唔准叫你媽咪佢哋勸我啊！」
這個工作狂，看來今日已經精神多了，比起之前邊哭邊罵我的中氣更好。
「知道啦林主管。我尊重你決定。」我不禁偷笑這個傻瓜。
「又係你啲老油條答法！你可以試吓阻我做野架，我保證成間公司都會聽到我鬧你！」她這句威嚇真的很有她以前的風範。
「咁你可以咁有中氣鬧我都係一件好事，證明你身體好咗啲，同埋至少唔係鬼上身囉～」我調戲她。其他同事也在忍笑。
「你好野孫家弘！你個仔聽到你恰我架！你第時死緊啦，萬金油！哼！我覆咗Donald先啦。你而家放lunch未啊？」
「就放，你班細揀緊食乜，同埋偷聽緊我答你嘅野。」他們原本在揀食物，忽然嚇得對着我「灑首擰頭」，全部人－臉恐慌。
「係？咁你開speaker。」我笑了笑，開了手機擴音器，把聲音校到最大。「開咗啦。」





「Charlie, 我要嗰份市場分析報告整好未啊？仲有，Alan ，尋日話嗰份pitching呢？係咪諗住我放假就唔使俾我？Alison呢？Alison喺咪度啊？你星期一同我講過進度大概60%，我今朝睇進度表得70%，今日星期四啦喎，你唔好諗住Tammy唔催你你就可以拖住先！我今晚要見到100%。我唔理你係自己加工定係你搵d officer 整，你身為經理，project management 係基本野，唔好要我親自話你。……」
「Kerry姐，你抖啖氣先…」我很想笑，但不敢笑。
「Michael我知你忙，Tammy同Victor都係主任，佢哋管唔到嘅話你係應該話佢哋，唔應該包庇佢哋。」我瞪大雙眼指著自己，用口形對Victor, Karen他們說「我包庇？」他們都在邊怕邊苦笑。
「點啊，冇人敢出聲啊？唔好諗住喺我背後講我壞話啊孫生，我知㗎～你夠膽玩嘢嘅話，我可以陪你走行政程序。」
「點敢啊Kerry姐～其實大家一team人，總有啲時候……」
「得啦孫主管，你唔使遊花園我明你意思。我唔想嘥時間喺啲冇效率嘅嘢上面。你哋睇group msg同email啦！再傾。」
Kerry掛線那一下我的心情真的相當複雜。

「好恐怖…」「以前個Kerry姐又返黎啦…」「死啦Kerry姐仲mon住緊我份野…」……Alan 他們聽完之後冷汗直流。
「我先係最無辜嗰個。聽唔聽到呀？佢話同我玩行政程序喎…」我又生氣又無奈，禁不住吐嘈。




「佢連你都唔放過～」「係囉～Michael哥其實你中意Kerry姐啲咩呢？」「Kerry姐話佢唔想浪費時間喺啲冇效率嘅嘢上面啊…Michael 哥～佢係咪話你講野冇效率啊？」……他們邊笑卻又邊後怕。
「我……」我氣在心頭，又不知該說什麼。林泳昕，我豈又此理！
「揀咗餐廳未啊你哋？行啦早啲食。」我還是說。至少也表示她今天的身體狀況不錯。
「Co哥，啱啱先俾Kerry姐話完。你仲食得落呀？」「我唔食啦…一陣Kerry姐無啦啦開個face meeting，我真係乜都比唔到佢…」「Co哥我都搞埋份pitching先，我都唔想你返到去俾人告枕頭狀…」Alan也苦笑。「Michael哥你下個禮拜出trip,Cool 魔下個禮拜開工，冇你頂一頂，我死緊啦…」Karen也慌忙去找資料。
「你哋使唔使咁驚啊？陪我食啦！我請喎！」只是一轉眼，原本10個人只剩下Tammy －個。

「你梗係唔驚啦，點講你都係佢上司。佢地點同啊？Kerry姐嘅速度，最快半日都可以搞起一個禮拜嘅嘢。佢哋蛇王咗一兩日，仲唔即刻追進度？」Tammy直言，又奸笑說：「而家我身份特殊，Kerry姐唔敢鬧我，你就…」
「Tammy姐，你想食咩啊？我跟你。」我客氣地說。確實，目前Tammy手握Kerry有我骨肉的證據，我也不敢得罪她。
她偷笑，點點頭：「咁我又唔會越權嘅孫主管，不過如果可以食壽司就最好啦～」
「馬上安排！」我替她拉門，她邊笑邊說：「有勞啦孫主管！」