萬金油與孺子牛: 酒暖花深別有天
「你都知各花入各眼～我自己覺得，如果另一半能力高，同一時間可以鞭策到我嘅事業心，令自己做得更好。何樂而不為？」我也打量了一番他這套高端連身裙和高跟鞋、還有名牌香水味。
「可惜我到而家都仲未遇到一個好似你咁諗嘅男仔～你係第一個。」
「咁你要多啲落嚟香港啦～」
「不過我喺香港冇朋友喎。」
「你而家有啦～」我搖一搖手機向她示意。她嘴角微微上揚：「咁等你帶我去玩架啦～」
「當然～不過你身形咁好，小心d香港d野食，真係好邪惡～」
「你過獎喇～我冇特登去維持架。我有睇小紅書啊！你哋雞蛋仔、格仔餅、咖哩魚蛋…全部好吸引啊…」想不到她跟Kerry一樣是個吃貨。
「你下次有時間的話，可以……」……
好聊是好聊，她和Kerry真的有點相似，連價值觀也幾乎相似。但我可以說，不可以小看這個女人。她絕對不是表面的直率，她是可以用城府的女強人。和這種女人打交道，句句都是套路。但我會覺得很有趣、很有火花。我的每句，她也接得住，而「似有還無」、「虛實之間」的模式，正正是我最喜歡用的說話方式，我愛玩的「城府」。她，像是一個女版的我，非常有趣。
晚餐時Donald宣佈把這次計劃全權由我負責，看來是想考驗我升COO的另一個課題。但目前為止非常順利，Donald很少把沒有難度的東西忽然這樣做交接，因為他的每一步都是有原因的。看來，這個計劃不是表面看的一樣。我再次動用了內地的人脈重新調查各方的資料，看看有什麼遺漏。
我原本打算在大堂喝杯杯便回去睡，結果看到也在吧桌獨自喝威士忌的Rachel。
「有冇人啊？」我走到她身邊，她也有點驚訝，笑笑說：「坐啦Michael。」她搖搖酒杯，呷了一口。
「未返去？」
「我慣咗臨瞓前飲杯酒。」居然和我出trip時的習慣有點相似，除非當天已經和客戶晚上喝了很多。
「一杯whiskey on rock.」我下了單。她望向我，呷了口酒說：「我呢杯係蘇格蘭高地，煙燻味比較重，要唔要試一啖？」她把杯遞向我，我聞了聞，故意說：「係幾濃，但我估我會比較鍾意我嗰款。」她點頭爽快地收回又喝了口，微笑說：「都係幾唔同嘅，你嘅嗰隻，會比較fruity based ，口感圓潤，比較回甘。」想不到她也很有研究。
「喔？聽你咁講，感覺你平時都偏好煙燻同木桶味濃嘅。」
她抿抿唇：「唔係㗎，其實我每樣嘢都會試吓。有D野，試過就有多個經驗知道自己鍾唔鍾意。」似乎也似是她會擁有的事業觀和感情觀。她反問：「咁你呢？有冇特別偏好？」
「我？除咗甜嘅酒比較少飲，其他酒我都鍾意。都冇一個偏好嘅。」酒來了，我一口喝下三分一。
「咁睇嚟我哋口味幾夾～」
「係？」
「我覺得你會有興趣試吓我嘅珍藏。」她一口把酒乾完。
「點解咁講？難道你有d一般人都冇嘅酒？」我反問。
她拿走了我手上的酒杯，烘近我：「未合作之前，呂總同其他行家成日提起曾總同你，都話係做生意一定結交嘅人。特別嘅酒喺每個人面前都唔一樣，睇你定義～」她這句似乎隱藏着一些意思，直覺告訴我是關於我們的合作計劃。
我看了一眼我的人脈幫我套來的資訊，我回了一句：「差你一餐飯～」便轉頭望向這個散發着特別氣場的Rachel，因為我更肯定她掌握我想要不少資訊。
「或者對我黎講，會唔會比起其他人嘅更特別可能係其次。能夠俾你視為珍藏嘅酒，就已經好特別。」既然她願意給我，就必須了先了解她的條件要求。
她把我的酒乾下，滿意地微笑：「果然係同內地生意圈傳說中嘅你一樣～我相信Michael你應該好清楚我哋集團喺中國呢個版塊嘅實力，我哋，絕對可以以互利共贏。」的確，因為這個Rachel不單是擁有強實力強手段的女人，她更是呂永軍先生的獨生女。
我把侍應召過來結帳，故意亮出我的hsbc黑卡。這張年薪幾百萬也無法被邀約，而且是亞太第一張特權相對多的黑卡。我可以間接告訴她我的價值，以我一年的分紅和傭金，我至少是賺二千五百萬一年的。
果然她看著我的卡，再重新打量我，雙眼比之前更亮，這個也是我一個很重要的底牌。
「你真係一個好特別嘅男人～」她這麼迅速喝了兩杯威士忌還是面不改色，果然是中國度假村、酒店、退休投資永恆霸主集團的未來接班人！她說：「咁…上黎欣賞下？我一陣叫司機車你返黎。」
「盛情難卻～咁打擾曬啦呂小姐。」她和我對望充滿戰略性火花。很快亦順利到了她在中山的別墅。
「小姐晚安。」「小姐，我哋準備好點心、酒水比你同孫先生。」「你哋先去休息啦。有需要我再叫你地。」「係嘅小姐。」…
果然是呂千金，內地一貫排場無一不齊，而且作為市值千億集團的繼承人，藝術品味非常高。
「呂小姐你又靚又識做生意、藝術造詣又咁高，你同我講你冇男朋友，我真係唔係幾相信。畢竟以我所知內地嘅文化，唔少人20幾歲已經成家立室。我相信係因為排隊追求你嘅公子哥兒太多，你唔知點揀～」她給我斟了杯威士忌。
「你都係叫返我Rachel啦～」她呷了一口，回應我：「係㗎，可能係我眼角高？但我的確唔需要一個同樣好有錢或者比我有錢嘅男人。由細到大我都好鍾意做生意、亦都好享受做生意，我會希望喺我身邊嘅，係一個能力比我強、甚至有能力未來幫我打理山傲嘅人。」她曖昧地看了我一眼，繼續說：「但原來要搵一個能力比我強嘅人係咁難！我真係驚我呢個條件，淨係可以同大我20幾年以上嘅世叔伯結婚。」
的確，40幾歲要拍得住呂小姐能力，還要高、帥，是甚有難度。
「除咗你本人，你有冇其他介紹？」她仿佛有點醉意，醉眼望向我。
「你咁睇得起我啊？不過呢方面確實係需要時間、需要緣份…」我一口乾下半杯威士忌。
她暗暗地笑，正打算站起來去拿什麼，卻站不穩倒坐在我腿上，幾乎鼻尖也貼上我鼻尖。
「Rachel小心啲…」「唔好意思…」
她重新站起來，示意我跟她一起行。
我們走進一間書房，桌面是一個偌大的平板電腦。她毫不避違地在我面前輸入密碼，並打開了一份文件，用眼神示意我自己看。