萬金油與孺子牛（第二季連載中）: 沉舟側畔千帆過

「你就真係唔夠老友啦Michael！成日推晒我哋啲娛樂飯局！不過你係堅嘅！你公司有史以來最後生嘅COO！我佩服！」Ray反轉牌面：「我Fold～」

「聽我爹哋講，你而家係兩間公司嘅股東！咁點呀你？嗱，我哋三個就結晒婚，你點先？」Samuel說，他們望向我和Bianca。Samuel也反轉牌面：「你哋玩到咁，我都唔去～」

「講呢啲～咪就係因為成副心思放晒落事業，我真係好乖架！」我淡淡推出籌碼：「跟你20萬，再大你20萬。」
「哇Michael，好野啊～」「好彩我冇去，一陣整返嗰啲又輸埋比Michael…」
「我唔信你！我跟！你對3仔，開俾我睇！」Watson站起來，我也站起：「好～我4條3。」
「哇…」「果然係商界魔王…」「Michael你係勁嘅…唔夠你玩啦！」他只有一對Ace －對10。「唔好咁講，你哋讓我啫！𠄘讓承讓！」我抱拳感激，收好籌碼。

此時我看見公司群有突發訊息，原本真的想把電話扔入大海，但我還是看了。Jeremy公司出事了，面臨清盤，但我和Kerry才剛剛跟他簽約，合同上有我和Kerry的簽名，董事會要問責的話，我是首當其衝。





來了，Donald、Kerry、俊華哥同時致電給我。

「Michael ～整杯先！85年romanee conti！」
「仲有呢個！我uncle跟我爹哋去一帶一路嘅時候買嘅cigar！…」
「呢隻提子我爹吔特登叫人哋去日本嗰個農田度掃貨㗎！Venice，比Michael哥試下～」他們在吧桌和船尾和model和另外幾個朋友酒池肉林，不忘叫女model餵我吃提子。

我吃了一口提子、抽了一口雪茄，正正看着來電結束，又重新響起。我還是沒忍住，靜靜將某幾張和Kerry的合照傳到我另一部私人手機，把這部扔進海中，冷傲地看着它沉進冰冷海水的水花。

「孫家弘，你有guts喎…」似乎Ray也收到風，他走向我，一臉欣賞：「讀書嗰陣已經覺得你野心唔細，Uncle Jeremy單野，係咪同你頭先個message有關？」他也很心水清，再補充：「咁耐冇join我哋玩，平時多數都係同我哋去啲正經活動。你今日咁反常，我哋有咩幫到你？」





「係時候要接手Jeremy個「金礦」…除咗你哋，冇更適合嘅人選……」

我將我的部署告訴了他，他沒有驚訝，反而對我的計劃充滿欣賞，證明我選擇他們三個中學朋友並沒有錯。要脫離我現在的困獸鬥，我確實一直以來佈局，在等待這個，令我獲得一個「在暗」的身份，囤積勢力的方法。

你們想我做的乖仔、聽話的下屬、八面玲瓏的上司、暖男男朋友，我做到了，但你們給我的是一個壓迫的空間。我真的夠累了！我只想有一個可以呼吸的地方，很難嗎？拜托，不要再將一個生存空間本來已經很窄的人，逼上絕路……