萬金油與孺子牛（第二季連載中）: 風過庭前弄墨花
想不到Donald完全未發現的情況，居然被林泳昕發現了，她到底想怎樣？……
我看文件的時候，假裝皺眉。
「Michael，是有什麼問題嗎？」姜總立刻問。
「umm…姜總，Kerry向來都係分析同數據比較強，特別係市場部上面嘅資料基本上係毫無挑剔！不過始終佢啱啱過嚟業務部做，可能對業務呢邊嘅風險唔算好熟。我覺得你要俾啲時間我哋返去修正一下先…」我留有餘地地回應。
「Michael你說得很對！Kerry的市場觸覺真的很強！那…業務方面你的經驗，確實比較豐富，我就聽你的。你們先回去修改一下，反正這個項目我跟博聯已經簽好合同，下一個配套我可以交給你們做。」
「姜總謝謝你。」「謝謝你姜總！謝謝你今天的時間。」「不要這麼說！那Michael我再等你消息！」
姜總走後，我合上文件，翹着二郎腿手放在坐在我身旁的Kerry的椅背，烘近她：「林小姐，你而家光明正大咁架空我喎？」
「孫總監，既然你傾唔成，咁我自己去傾，都好應該啫？大家嘅出發點都係為公司好，除非有人…根本唔想傾得成…」最後那一句，她故意把聲線壓得非常低。
「我作為公司7%股份嘅股東，每一單生意對我嚟講都係非常重要，特別係姜總，本來就係Donald俾我嘅測試。咁既然係交俾我，我做主導，你…只係輔助。」我將重點放在這裏。
「如果我真係傾得成嘅話，我又點敢功高蓋主～上次中山法拉利店果單，我諗孫總監好清楚？」她呷著熱檸水，整個神情都跟我平時說話的模式一模一樣。
我笑著，用平時Donald的笑法，指向她：「唔錯～不過最後修改嘅步驟，我處理就可以。林主管既然有時間，不如同華哥睇吓點樣更改博聯果邊嘅戰略測試合作？」
「啊…孫總監你提醒咗我，我確實係有其他嘢要做，最近我旗下嘅風險部俾咗份新嘅報告我，最近持股基金同公司嘅股權易手有啲頻密，如果份報告交咗俾俊華哥，應該就會開啟公司股份回購機制。我諗，應該要處理咗呢單比較緊急先…」她正打算站起來帶着文件離開。
看來她真的什麼都知道了……
「林泳昕！」
我立刻拉住她、把她拉到我懷裏，擁在她腰間側坐在我雙腿上，烘近她。
「我同你不如直接啲，你想要啲咩？你講…」
「你唔記得，我話要同你玩到底咩？」她耳朵紅了，但仍然保持掠食者的眼神望向我，低聲補充：「孫家弘，我要你嘅全部…」
她這句讓我臉頰發燙，到底是什麼意思？
「孫家弘，我要你個人，要你個心，我要知道你所有嘅嘢，包括你諗緊乜，你嘅部署……我唔係要做你其中一個女人，我要做你心入面唯一一個女人……」
聽到林泳昕這句，我打從心底有種毛骨悚然的感覺。這個如狼似虎的女人，職場上，明明什麼都看透，卻永遠能夠裝作什麼都不參與。要麼不出手，一出手就招招封喉。明明很有野心，卻永遠可以將野心深藏不露。明明有掌控慾，卻很懂得什麼時候把自己偽裝成獵物，讓獵人上當，正如Ben和按摩椅事件。愛情上也一樣，在Ken和Rachel面前就是引導我們的獵物，甚至對我也一樣，讓對她燃起保護慾。然而，她才是那個獵人。
我笑了……
看來就算我能夠贏盡全世界，她，是我唯一一個永遠會輸給她的對手。而且她這句已經完美解釋了，她由接觸我開始，所有的想法、所有的佈局。我愛她，她也著緊我，但她同樣視我為她的一個想掌控和征服的獵物。
「林泳昕，唔通你覺得呢個世界除咗你，我個心仲放得落其他女人？」我撩著她。
「你個唇印…」她用指尖在我衣領曾經出現過唇印的位置輕輕畫了一下，動作非常之挑逗。
「係Flora姐嘅…人哋有老公㗎。」她與我對望。
她不禁展露滿足的微笑，說：「博聯國際新任營運總監Flora Yip…果然係孫家弘～對大姐姐都係咁有魅力～」
「我嘅林小姐，果然係絕頂聰明～」我嘴角上揚，打從心底欣賞我最愛的女人。
「如果唔係，點同你玩落去啊？」她自信地微笑。
「係㗎，一玩就要玩一世～我怕你玩唔起炸…」我帶點奸狡。
「我聽唔明喎～～」
她是故意這樣說的，但她的表情，似乎告訴我，她願意。這是一個可以求婚的訊號。
我沒有回答她，微笑着拿過她的檸檬水一飲而盡。然後溫柔地深深吻下去。
居然直至今日，才看得懂她的佈局。我的城府對著她，原來一直也不在線。
「咦？…」
已經懷孕九個月，我陪Kerry做產前檢查包括超聲波。醫生看着之前的報告，再看看超聲波，笑容有點古怪。
「醫生，係咪我哋個女有啲咩問題啊？」我有點緊張地問，Kerry也有點擔心地拉住我手。
「你哋買咗BB啲衫未啊？」醫生這句說話真的令我心臟加速跳動。
「買曬啦…醫生你講啦…」如果他再不說的話我真的怕我會心臟病發。
「我今日咁睇呢…你哋嗰個應該唔係女女，係仔仔嚟嘅……拿你哋睇吓呢度…呢個係你哋仔仔嘅固固仔……」嘩真的差點把我嚇死…原來是我仔的小雞雞太細，所以之前一直都看不到！
「係咪真㗎醫生？但係初頭嘅時候做過一次血液測試，嗰陣話係女嘅？」我不敢相信我的小林主管變了個小男生。
「血液測試確實唔係百分百準確，係有一個可能性當初仲未發育完全。」
「下？原來係仔黎架？我哋仲一直叫佢做女添…」但Kerry似乎很興奮。沒錯，她一開始就是想要男生。