誰說姊弟戀和師生戀不能好好的: 結束了？

「癡咗線啊你？」施澄推開皓榮，雖然語氣有點不滿，但臉上並沒有不悅。
「我鍾意你，我真係鍾意你。」皓榮認真地說。
「小朋友，你幾多歲我幾多歲啊？先唔講你有女朋友，我係你老師嚟㗎，你點可以鍾意我。」施澄笑著，不知道是在諷刺自己還是諷刺他。
「首先我唔係小朋友！我哋只係差四年，我唔覺得我細你四年就保護唔到你囉。同埋咩年代啊，你覺得姊弟戀唔得？師生戀唔得？」皓榮反駁。
「我無覺得姊弟戀唔得，無覺得師生戀唔得，只係，喂你諗下如果俾學校知道佢請咗個人返嚟溝自己啲學生，我即刻俾人炒啦，我就失業啦喎。況且你連我有無男朋友都唔知…」施澄無奈地說。
「我從來都無同過人表白，每次都係啲女仔approach我，你係第一個我想追嘅人。無論你有無男朋友，我都想追你。」皓榮牽起施澄的手，
「你俾啲時間我，我會處理好我同依家個女朋友嘅關係，同埋我一定會保護你，唔會俾學校炒你。」皓榮堅定地看進施澄的眼裏，他那深情的告白叫施澄不懂反應。『多久沒聽過這麼甜蜜的承諾了』
「我知，你對我都有feel㗎，係咪？」皓榮溫柔地問道。
施澄下意識地點點頭。
「你俾個機會我啦。」皓榮的視線沒有離開過施澄的眼睛。


「再算啦！」施澄發現自己給錯反應，說完便轉身落荒似地離開。
看著她的背影，皓榮的心一陣陣地刺痛。

回到家的施澄反覆想著皓榮的告白。
『他看起來真的很認真，我是不是該給他一個機會，難得原來他也喜歡我。但，我們真的會有好結局嗎？』

在公園等待女朋友的皓榮同樣想著剛才的告白。
『我是不是太衝動了？如果嚇走了她怎麼辦？唉，都怪那徐梓樂亂說話讓她知道我有女朋友。萬一她覺得我是渣男該怎麼辦？但她真的是第一個讓我動心的女生。』
「BB 你搵我做咩啊？」正當皓榮在煩惱著，一把聲音叫他，他女朋友到了。
「我哋分手啦。」皓榮直接毫無感情地說出。


「吓？！」女朋友不敢相信她聽到的，明明一直都相安無事的。
「我鍾意咗第二個。啊唔係，我根本都無鍾意過你，好對唔住。」皓榮直白地說。
-啪-
皓榮的女朋友一巴掌打在皓榮臉上，之後聲淚俱下，
「分咪分囉！我憎死你啊！」女朋友激動地離開。
本來該是痛的那巴掌，反而讓皓榮鬆了一口氣。

榮榮：我想見你
MelanieC：你俾啲時間我



『好吧，既然她要時間，那我們星期一才見吧。』