時光突然倒流，打完飛機啲精縮返入龜頭: （27）

把斧頭一直轉啊轉，轉到我老豆身邊。

「死咗」嘅大嘜就好似僵屍咁，喺我老豆隔籬，原地趌返起身，並伸手接住嗰把斧頭。

同我老豆一樣，大嘜都係上半身無著衫，露出一排腹肌。

佢嗰六舊腹肌逼出一道藍色嘅激光，隻好似貓嘅獅子則擘大口，將道激光吸收。

睇嚟佢地之前係同時出招，兩敗俱傷而死。





接住「復活」嘅係我老母。

佢算係有著衫，但嚴格嚟講，其實只係得半塊布，遮得住下面同咗邊乳房，就遮唔住右邊。

佢都係屬於我老豆嗰邊陣營，識得召喚狂風。

「呼！！！」

我同嗰隻好似貓嘅獅子俾啲風吹到幾乎企唔穩。





好快又有一隻三個頭嘅狼…Er…定係狗？

反正就係一頭兇猛嘅野獸喺狂風中「重生」。

嗰隻嘢三個頭分別吐出三個女人：miss朱、miss曾及miss張。

三人衣衫半掩，手執帶刺荊棘。

唔好睇少一條咁幼嘅荊棘，佢嘅威力足以打爆大岩石。





一大堆岩石碎片從四方八面聚合埋一齊，逐漸變回原狀，三位miss隨之收返埋手上嘅荊棘。

由擘大眼嗰刻開始，一幕又一幕誇張嘅場面令我覺得好出奇。

點解我地個個都好似有特異功能咁？

我就識飛又識噴火，我老豆把劍就曉發光，老母就識呼風喚雨，兩隻野獸會射激光同有三個頭，三個miss就輕鬆打爆岩石…

我知時間倒流，係會一路推移到更遠古嘅時期，問題係有邊個遠古時期，會有咁多奇人同奇珍異獸？

我唯一諗到嘅，就只有黃帝大戰蚩尤嗰一個時期。

傳說當時黃帝部落獲得神仙賜予嘅超凡力量，打敗咗兇猛強悍嘅蚩尤。

而就喺呢個時候，紫色嘅天空上，有一道聖光射咗落嚟。





我老豆手上把發光嘅青銅寶劍，慢慢升返上天。

我知啦！佢嗰把一定就係軒轅劍！

係天神賜俾佢對付蚩尤嘅神劍！

咪住…如果我老豆係黃帝，咁我之前俾佢殺死，咪即係蚩尤？

嗯…...係都唔緊要嘅，反正蚩尤都幾型棍，四手八腳，又飛天又噴火。