沙頭角與長洲的距離: 九.

我像是學生一樣專注地看著她，等待著她開始課堂。

「知唔知咩係閃婚？」

這是近年出現的語詞，指的是情侶在戀愛後不久，甚至認識很短時間就結婚。

「我知啊，做咩？」

「你知唔知點解閃婚人士嘅離婚率特別高？」



這是個簡單的問題，我想應該初中生都曉得。

「都冇拍過拖，甚至有啲先啱啱識，根本就唔了解大家。」

「無錯，但同一時間都有人閃婚就一世，點解？」

愛情這東西，純粹就是一堆巧合拼湊在一起吧。

「喺啱嘅時候搵啱人又有緣份，咁咪一世囉。」



她皺起了眉：「我唔係咁諗。」

我倒是想聽聽看她與別不同的想法，因為除了我剛說的，我也沒別的想法。

「其實愛情根本就係一場信任遊戲。」

這是甚麼東西？這聽起來也太悲觀了。

「雖然而家好多騙子啫，都唔洗咁悲觀啩。」



「講真，人有時連自己嘅諗法都觸摸唔透，更何況講出嚟。」

這我認同，有時候我真的不知道自己在想甚麼，莫說把想法表達出來了。

「咁但係都唔洗摸到透曬先一起或者結婚架，因為人總有嘢唔想比人知架，好似我鍾意睇三上咁。」

等一下，我好像說漏嘴了。

「你個死人頭啊，講緊認真嘢你同我講AV女優！」她用手彈了我的額頭一下。

她彈的力道很大，被彈的位置紅了一片，差點就要腦震盪了。

不過痛的同時還挺舒服的，差點就要發出奇怪的聲音，還好我及時緊閉雙唇。

「痛啊！」我按著額頭，扁著嘴：「對唔住囉，洗唔洗咁大力啊？」



她呼了呼我的額頭，摸了摸我的腦瓜，抱了抱我：「冇事冇事，呵返呵返。」

二十幾歲了，還想把我當小朋友哄？

當然可以，我還很喜歡呢！

我用頭蹭了蹭她：「好啦，算你啦。」

「咁我可以繼續講未啊？」

我沒說話，只點了點頭。

「既然你都識講，你連自己都摸唔透、唔識表達出嚟或者唔想表達出嚟，更何況人哋？」



她看著我，似是在等我給她回應，可是我不知該說些甚麼，只好微笑點頭。

「仲有人類喺某程度上係好恐怖。」她嘆了口氣：「好撚恐怖。」

「係咩？我冇咩感覺。」

可能是因為我跟工地的同事都很熟，甚至職位比我高的也會我們一起去玩，不怎麼覺得他們會有甚麼壞心思。

「除咗反射動作，所有動作同說話都可以係假。」她繼續說：「而最恐怖嘅係，人類唔止可以呃人，仲可以呃埋自己。」

這個我同意，上次我在工地弄傷了，硬著頭皮跟同事說不痛，結果說著說著就自己也不覺得痛了，可手臂上一大片的瘀青清晰可見。

「咁同你所講嘅講個信字有咩關係？」

我想這才是重點吧。



「當一切都可以係假嘅時候，咁一切都唔再重要，只係睇你信唔信啫。」

「信又點？唔信又點？」

「信嘅人點都會信，唔信嘅人就算知道真相唔係佢諗咁樣，佢都係唔信，然後再另尋機會試探佢，直到搵到對方痛腳為止。」

「因為事實同佢諗嘅唔同，而佢唔想自己係錯。」 

「人從來都唔想自己係錯，所以會一直去搵嘢證明自己係啱，就算搵到嗰樣嘢有冇根據、合唔合理都好。」

我想我大概明白了，但是突如其來的長篇大論是為了甚麼？

「咁你講咁耐，除咗想講經，仲有咩想表達？」我問道。



她沒有說話，只是看著我露出不懷好意的笑容。

她該不會想…

在我猜到她想幹甚麼的同時，一切都來得大遲了。

她坐在我身上，身子彎下來把我的雙手按在床上：「我想講嘅係，我信你囉。」