沙頭角與長洲的距離: 十八.

「我嗌咗嘢先？」我問道：「你想食咩？」

「同你一樣得喇。」她回道。

下單過後，我回到了她身邊。

「我想去你鋪頭睇下，但係放假都要你特登開鋪會唔會唔係咁好？」

「唔會啊，都係推一推啲嘢出嘢咋嘛，還掂我都想比你睇下。」



「咁好啦，一間你帶路喎。」

「我唔帶路，你知喺邊咩？」

我倆相視，空氣突然變得好安靜。

過了半晌，她噗的一聲笑了出來：「你係一個傻嘅死人頭。」

「兩個魚蛋粉外賣！」侍應站在門口喊道。



我上前接過外賣，隨後回到她面前。

我咧了咧嘴：「我邊到傻啫？」

「唔知啊，總之就傻更更咁，不過我就係鍾意你傻更更咁。」她微笑道。

「我都唔…」

我想說我才不傻，可她卻用手指捂住我的嘴：「講咩啫，我鍾意咪得囉。」



話畢，她便拿開手指，輕吻在我的唇上。

不知怎的，我瞬間不想反駁了。

她得意地笑了笑，隨後便轉身昂首闊步地走著。

啊…被拿掐了。

我跟著她一直走，來到了大街上的一個鋪位前。

她剛解開扣在閘門拉環上的鎖頭，我便放下了手上的外賣衝過去：「我嚟啦。」

我先是輕力拉，想要展示一下我的臂力，誰知這閘門比我想像中重。

我再次發力，這次的我用盡全力，可閘門還是聞風不動。



「你得唔得啊？」她問道。

「我得，你等多陣！」我喊道。

我又一次發力，可還是徒勞無功。

我蹲在地上喘著氣，準備再一次發力，可她卻拿著搖控跟外賣來到我身邊。

她按下按鈕，閘門隨即開始往上升，最後完全打開。

「電閘嚟架。」她掩著嘴別過臉。

「你早講啊嘛！」我罵道。



「咁你都冇問。」她拿著外賣走了進去：「入嚟啦。」

我爬起來，撥了撥褲子就走了進去。