因為炸雞店一次意外，我變成了超級英雄。: 第十七章 夢

寶琳那白滑的小手撫摸著我的小佐治，由根部到頂端不斷上下擺動。那種快感令我忍不住閉目咬唇般享受著。

然而當我打開雙眼時，眼前原本好索既寶琳竟然變左個成面鬍鬚既阿叔！小佐治嚇到同怕羞草一樣。我當堂一拳窩落去，然後周圍既事物開始變得扭曲，連我都好似被吸入一個無底洞穴，從高處往下跌咁。

我被嚇醒，醒返既時候雙手已經被麻繩綁住，綁住係張床度。

呢個時候隔離傳出把男人聲，講︰「你醒啦。」

我望過去，眼前既人正正就係戴住般若面具既紅魔！





「周豈高？」

佢除低面罩，面上露出一副詭異既笑容，道︰「你竟然估到係我，厲害。」

「呢度係邊度？馬寶琳呢？」

「呢度得我同你。」

「點解我會係度？」





「你比我係天台炸暈左，我見你似乎同我一樣掌握左住一種神秘力量。於是就帶左你返泥。」

咩話？姐係我頭先個啲全部都係夢？

「你想點？」

佢攞起枝針筒，然後係我手臂度注射。我意識開始薄弱，周圍又再次變得扭曲，頭好痛。

某種能量好似從我身體入面走出泥，好辛苦！





周豈高既樣扭曲成一幅醜陋既臉孔，彷彿係度嘲笑我咁。

我再次回到馬寶琳間屋。

馬寶琳坐住係張梳發度，著得好保守，唔再似之前咁妖魅。

「啊，你終於出泥啦。」佢望住我，然後慢慢走過泥。

佢拉拉我件衫，又好似望雕塑咁四方八面打量我。依？點解呢個畫面咁熟悉既？

「都話啱你架啦，又唔信我。」

佢又行去梳化度，拎起個電視遙控，打開部電視。

佢拍拍隔離既空位，同我講︰「過泥坐啦。」





喂…咪住呀，點解會咁既。

「今日晏晝百寧樓發生一宗縱火案。」電視入面既新聞女主播講既野令我注意力去返部電視度。

「係周豈高。」我話。

「唔？」佢應。

主播繼續講︰「涉事單位係百寧樓十五樓。消防發現單位內有兩具燒焦既屍體，初步指死者兩人為夫婦關係。而警方初步調查得出疑兇係兩死者既二十一歲兒子周豈高。」新聞貼出周豈高既大頭相。

「你點知架？」寶琳擺出一幅驚訝既表情。

而我亦都係同樣既表情，點解我好似回到過去咁既？但又有野唔同喎，就係寶琳著既衫。





而令我最困惑既係，頭先周豈高向我打針既情況，又係真定假呢？

我好似被困左係一個夢境入面，我應該要點做…