1.04 走!

我都唔知呢家係幾多點啦 我淨係諗住我要帶埋兩嫲孫走,喺混亂嘅情況下,場地廣播依然播住…

(燒完嘢食 請隨手執拾好地方 拎齊你嘅行李先好走呀!)

「我屌你..執你呀媽個閪咩執 我轉頭執你個廣播一撚呀!」我突然大叫一聲

我所有方向都望過一眼 確認情況係咪可以安全咁離開 同時間揾下究竟可以拎乜嘢喺身做防身物品。





確定左兩嫲孫都冇問題 我隨手執起枱上一把我帶黎嘅切肉刀傍身 我好驚佢地埋黎襲擊我哋。

「喂 吾講住 我搞掂再打比你 屌…」隨即收左兄弟線…

然後我先拎起大背囊 再睇下有幾多可以即食嘅食物 全部袋晒落去(麵包棉花糖等等)。水我就吾多 因為燒嘢食我都會拎啤酒 但喺呢個情況下 我只可放低我最中意的獅威。

換來所需要嘅水放落背囊(大概兩支750ml)。一切搞掂之後….

「嫲嫲,豬仔,走啦!我地要翻屋企啦 吾好等啦 」我急速咁講





「我要翻屋企揾媽咪呀嫲嫲!」臭b哭聲大叫地說

「我行得慢,如果吾係不如你地走先啦…」嫲嫲好堅決地說

「嫲嫲…..唔可以啦!」

「嫲嫲隻腳唔行得快 你地乖 落左山先 嫲嫲轉頭過黎。」

「我要嫲嫲一齊啦….嗚嗚….我…我要嫲嫲….」臭b喊哂口





「吾洗喊 爸b我一定會保護你地兩個 你地吾洗驚住。 豬仔你仲記吾記得爸b最勁係咩?」

「整壽司:-(」臭b無奈地說

話口未完有隻喪屍喺嫲嫲身後走埋黎 係當初咬中年大叔嗰隻….我轉右走埋去繞過石櫈反身一轉,將把刀插落佢條腰到….

「走……走啦…吾好再講住。」我手震晒咁講

雖然嫲嫲行得慢 但我都會就住佢步速去行 我地離門口好遠 因為太危險 我選擇繞過燒烤爐 轉向近公園嗰邊行 距離我哋正門仲差二十米到 眼見門口前有兩三架車泊左喺到 車入面應該係冇人 路口都冇人 當我想帶同嫲孫再行前一步時…

「走啦 吾好理我啦 幽?」就喺我隔離最近門口個燒烤爐有個姨姨叫出黎。我一聽到有呢個字,我義不容辭上前救人…

「我轉頭翻黎 我地呢到安全」我好認真咁講

「喂?」嫲嫲大叫





1.04走!完
已有 0 人追稿