[中六續集][愛情][懸疑？]擁抱，失憶: 二.

「我係你未婚夫啊！」我向她展示手上的戒指：「你隻手都有架！」

她看了看自己的手：「真係有喎。」

「咁咪係囉，我係你未婚夫啊。」我抓著她的手：「我係啊武啊。」

「咩啊，你同我隻手都有戒指，唔代表啲咩架喎。」

平日的你都笨笨的，今天怎麼突然那麼聰明？



「啊…咁又係。」

該怎麼辦？連這個漏洞都被她抓出來了。

等一下，我想到更重點的理據了。

「你認唔認得呢到係邊到？」我問道。

「呢到係…」她猶豫了一會：「我屋企。」



「係我哋屋企。」我補充道。

「咩呀，你講緊咩啊？」她把整個人埋進被窩裡：「我好亂啊！」

「點算啊？」我嘆氣道。

雖說我驚慌得很，但還是竭力回想著電視劇裡那些人是怎麼喚醒失憶者的記憶。

除了舊地重遊、重提舊事，還有…



給她看照片。

對，給她看照片！

因為不知道她有甚麼是忘了，所以我決定由我們最早的合照開始給她看，也就是中六的班照。

「你拎去睇下啦。」我把手機放到床上。

她沒有回答，只是一動不動的捲縮在被窩裡。

良久後，她終於小心翼翼地將手從被窩裡伸了出來，拿到手機後便迅速地縮了回去。

過了半晌，她掀開被子，用困惑的眼神看著我。

「點啊，諗返起未啊？」我問道：「未諗到嘅話我要轉另一張相。」



「咩啊，諗返起啲咩啊？」她反問：「你做咩無啦啦比中六嗰張班相我睇？」

「比你睇下，等你諗返起我係你未婚夫囉。」

「你講乜撚嘢啊？」

看來，她想起來了。

「冇嘢喇。」

「咁今日去邊啊？」她問道。

我抓了抓下巴：「今年好似未做過Body Check，一間一齊去做。」



「今日星期日喎。」她扁著嘴：「同埋都唔洗咁早做，我想去玩啊！」

我按進預約系統看了看：「今日仲有位。」

「都話我今日要去玩！」她像小朋友一樣踢腿拍床。

「早做遲做都係要做，更何況及早發現、及早治療啊。」

「唔要！」

「最多一間做完請你食日本嘢。」

她雙眼發光：「真係架？」

我沒有說話，只是點了點頭。



「行啦行啦。」她怡悅得直接跳了下床。