[中六續集][愛情][懸疑？]擁抱，失憶: 十四.

啊晴躺在紋身床上，而紋身師則坐在一旁的木椅上準備著工具。

「啊晴。」紋身師突然開腔：「不如改改張圖佢？你而家嗰張真係唔掂。」

「啊心你話事啦，識你咁多年。」啊晴拍了拍她的肩。

「咁我加少少反光位落去？」啊心在手機上畫了幾下：「咁樣會好睇啲，但係要用白色。」

「白色有咩問題？」



「要紋好耐先上到色所以好痛，你驚唔驚？」

啊晴苦笑道：「呢個紋身咁重要，可以整靚啲嘅，痛下又有咩所謂。」

啊心在一旁弄好了圖稿，隨後消毒了一下啊晴的手腕便把圖稿濕水貼了上去，藍色的線條就此被印在啊晴的手腕上。

「咁嚟喇喎。」啊心拿起紋身槍：「痛就嗌停，唔好郁，如果唔係會整親你。」

「收到你。」



我生怕她會痛得想找東西抓，便在啊心下手前拿來椅子坐在啊晴身旁。

「洗唔洗啊？接生啊？」啊心譏笑道：「不過都好嘅，費事佢一間捉住我。」

還好我倆都是坐在啊晴的旁邊，如果有人坐在她前面，那就真的跟接生現場沒兩樣了。

在啊心準備下手之際，啊晴卻突然開腔。

「如果我捉住你會點？」啊晴問道。



「又唔會有咩意外嘅，不過我會打柒你囉。」

「咁都係算啦，我捉返我男朋友。」啊晴苦笑道。

「你點話點好啦。」啊心開動紋身槍：「總之依家就開始喇，唔係嘅話我都唔知幾點先有得收工。」

良久，啊心關上紋身槍。

紋身終於完成，啊晴除了上白色的時候用力捏了我一會，其他時間都很淡定。

啊心為她紋身的位置包上保鮮紙，隨後便拍了拍她的肩膀示意她下來。

啊晴爬了下床，跟我的位置互換。

「到你喇，咁我照加反光位？」啊心問道。



「可以啊。」我回道。

啊心重複了一次貼圖稿的流程，隨後便開始了紋身。