[少甜][愛情][校園][真人真事改編] 自從我爸爸過左世，我遇上左佢: 8

換好哂衫之後落到籃球場，已經見到啲人人山人海咁圍住左成個場。
紅社一邊，黃社一邊，兩邊都喺度嗌哂口號咁，仲有啲啦啦隊做緊最後既排練。
雖然隻腳傷左，但都仲叫做行到，勉強跑到，所以視乎情況啦，我可能真係會打。
「希希，你唔係傷左咩?你做咩仲換哂衫好似想落場咁既。」夢兒姐姐係黃社既人，但佢見到我都過左黎紅社呢邊。
「冇啊，其實都唔係好痛啫，佢地可能需要我。」的確，我都唔係好想我地社輸。
「夢兒，你做咩過黎紅社既，不如我地番去?」有個都係黃社既撚樣喺度叫夢兒姐姐。
的確，雖然夢兒姐姐好受歡迎，但紅社既人見到着住黃社衫既佢都用緊啲唔友善既目光望佢。
「唔得啊，我細佬受左傷架，我唔可以比佢出賽。」夢兒姐姐個語氣聽落就似唔想理佢。
「走啦，想點啊。」「咪係，過黎揾我地球員傾計都唔知搏咩。」周圍啲聲音都係鬧緊夢兒姐姐
於是我決定都係拖夢兒姐姐出去人群先，而嗰條撚樣都好似狗咁跟過黎





「你跟過黎做乜野，我同我姐姐講野關你咩事。」我怒視嗰條撚樣。
「我係黃社社長，我只係關心我社員啫。」佢用一個好撚核突既笑容同我講野。
「sorry啊，我同我細佬講完野就會返去架啦，不如你都係去lead番社員先?」夢兒姐姐，你唔洗同佢道歉ga wo。
「咁好啦，你一陣記得番黎啊~」佢個笑容同語氣真係好黑人憎，不過佢轉頭走左。
好彩佢走得快，如果唔係我打7佢都似。
「你啊希希，唔準打啊，一陣傷勢惡化點算?」夢兒姐姐摸左下我個頭。
「我會衡量架啦夢兒姐姐，你唔洗擔心我wo，希希大個仔架啦~」夢兒姐姐係唯一一個我會喺佢面前撒嬌既人。
「好啦，咁你真係要小心啲啊，你又傷左我真係會心痛架。」夢兒姐姐講完之後攬左下我，之後就走左。
「知道啦，bye bye。」我向佢揮揮手之後就去左後備區度坐。





代我出場既係一個高form師兄。
雖然佢都幾撚廢下，但算係當中最識拍波同會傳波既人。
兩邊既球員出哂黎握左下手，之後就剩低五個首發開波，準備跳波。
「睇住我一陣爆你板啦。」對面個中鋒好串咁同我地隊長講，我喺場邊都差啲出去打7佢。
反而我地隊長冇理會佢既嘴炮，穩穩咁跳球tip左個波去我地進攻嗰邊。
代我出場嗰個師兄拍左兩下波，一下就比黃社既控球矮仔偷左粒波。
一個輕鬆既反擊快攻，黃社拎左頭兩分。
之後對面半場就開始防守，代我出場嗰個完全帶唔到波過半場。
好辛苦咁先交到個波比隊長，佢嘗試轉身打入籃底，點知一出手就比黃社中鋒block左。




第一節黃社打到連波又入唔到，防守又守唔住，以 13:3 完左第一節。
題外話，嗰三分係臨完節隊長鳩扔個波，點知又比佢負鳩碌入撚左，所有人都o哂嘴。

第一節既休息環節係紅社既啦啦隊。
老實講，好尷尬。
播啲老到冇人會聽既舊歌，跳埋啲屯門娜娜同happy伯會跳既舞。
真係好老尷...
望住佢地休息嗰時sad到爆既樣，應該係冇諗到會比人打爆到呢個地步。
老實講，黃社真係成班都係垃圾，只係佢地比對面仲垃圾。
然後我留意到隊長係咁望我，個眼神仲要係好後悔。
講真，你真係抵撚死，鬼叫你尋日咁樣foul我 哈哈哈。
我都無眼睇佢，繼續望下我既夢兒姐姐先。
嗯，真係好靚 : )))