阿心
 我
 

 姐姐喺女廁聽到有人傾偈啫,話喺運動場瞓覺,打鼻鼾嗰個小肥好可愛喎。    
 🙄 … …(🤭呵呵~噉都得~)
 

 嗰幾個靚女,仲話覺得小肥比賽時應該幾型嘅。
 🙄 … …(🤭呵呵~講真㗎~) 

 啲女仔又話小肥佢熊仔噉嘅身形應該幾好攬喎。


 🙄 … …(🤭呵呵~唔係啩~) 

 😤 後尾有個女仔仲話打聽到嗰個小肥未有女朋友呢。
 🙄 … …(🤭呵呵~收埋風~) 

聽到這裡,我在暗爽中突然醒一醒:「咦喂,等等先~人哋講咋喎,又關我乜事呢?」
 
她手指稍稍用力捏著我耳珠:「你估嗰個小肥係咪又送咗塊金牌畀人呢?」
 
「大王冤枉呀,塊金牌收埋係屋企櫃桶,爛鬼牌邊有人稀罕呀…」話一出口,我就知仆街嘞。


 
「嗄?!即係話我收埋塊牌咁多年好蠢啦?」阿心立時開始嘴嘟嘟了,手指用力拉了一下。
 
唉~天降橫禍於斯「仁」,必先贈其惡妻。嗰幾條囡乜嘢料呀,可憐我同佢哋素未謀面,高矮肥瘦都未知,人生真是無常,無端端又引咗小野蠻出籠。法官大人,我收返上一節嗰句說話——她不野蠻時是相當明白事理的。
 
「哎呀,噉我公告天下我有女朋友啦,好嘛?」我順便又可以宣示主權,唔怕有「盲頭狗公」黐埋佢身。
 
「唔~好~喎~」她又是那似笑非笑的表情。「我問你呀,你有無畀人攬過?」
 
噉樣「被」砌生豬肉真係沒完沒了嘅,只好插科打諢,玩無賴。
 



我詐作囁嚅,吞吞吐吐的說:「喔…真係無嘢可以呃到大王妳嘅…事實上係有嘅。」
 
小野蠻果然中計,瞪大眼睛,說話開始大聲:「你話咩嘢話?!」
 
我隱約感到我的耳仔開始有被扭摺的趨勢。

已有 0 人追稿