《我老婆唔係我女朋友》【那些年／九十年代學界／真人】 第七章全新中篇！: 【第七章】 火雲邪神現真身（２）
Lulu在正式教書後，分享給我們知道，原來她教過不少名人呢，吳家麗、陳慧琳和李嘉欣的同名同姓小學生都算小兒科了，連大名鼎鼎的銅鑼灣揸𨋢人陳浩南都是她學生呢。話說《Monica》的日本原唱吉川晃司到今天仍然相當型佬，大家有興趣去看看日劇《下町火箭》，唔好成日睇三色台膠劇。
火雲邪神這才抬起頭來，呀頂～原來是Lulu。
「Lu…喔…『搣時呂』。」其實剛才看她那高䠷的背影，我都有思疑是Lulu了。
「阿仁？你帶吳家麗佢哋㗎？」Lulu仍是一貫Track pants、跑鞋，還要加件【私販肉園】oversize的紅色頹Tee，佢平日啲打扮同衣著品味，的確是跟阿心如出一轍——麻甩，難怪咁姊妹老友。
正想嘲笑她原來就是名震元洲街、蘇屋、麗閣的「三家邨火雲邪神」時，斜眼瞄到攣毛臉如土色猛眨眼，意識到暫時閉嘴會比較恰當。
我迫於無奈的答她：「係呀，攣毛又衰咩嘢呀？」
邪神的「殺氣」暴漲，橫了攣毛一眼，淡淡的說：「無嘢，隨便問吓佢啲功課啫。」
我心諗頂妳個肺咩，無嘢就唔好搞串我個Party啦，於是說好說歹的打個圓場。「哎吔，聽日都星期六放假喏，游完水先算啦。攣毛執嘢準備入場啦。」最後那句轉頭向攣毛說的，她聽到我叫她走，如獲大赦，無鞋挽屐飛奔向妹豬位置，我這才發現妹豬怕得沒有跟我行過來，佢都算無義氣了。
看見攣毛走開了，Lulu繃緊的面容才稍稍放鬆。「唉～你唔明喇，導師教我哋對啲學生嚴少少㗎。」