《我老婆唔係我女朋友》【那些年／九十年代學界／真人】 第七章全新中篇！: 【第七章】 水上樂園也屈蛇（３）
「呵，唔使喇。而家Staff多咗，黃竹坑都有員工出入口，你喺公園正門打電話畀Simon就得喇。」孖四輕鬆的告訴我。
收線後分別打給老表和Lulu，原本打算買套票是包單程城巴629車票的，現在可以屈蛇就要考慮轉坐中巴了。
突然想起反正「老免」，不如看看Leon有沒有空一起去，一來讓他可以一窺那個索表妹的水著，也可以讓Lulu有個伴。於是打電話給粉皮：「喂瞓未呀？聽日得閒無？有筍嘢益你哩。」
「得嘅～不過咁熱唔想出街喎，留喺屋企打機好過啦。」Leon用一把「夏日炎炎正好眠」的聲音答我。
「噉如果去游水又有囡𥄫呢？」我故作神秘。
「點呀，陪老表去嗰單嘢呀？」他果然挑通眼眉。
「係呀，上次【肉園】個高妹又話去，佢未去過水上樂園喎，我又要傍住老表，咪睇吓你得唔得閒陪佢囉。呀，我call咗孖四搞屈蛇。」Leon跟孖四是素識，大家都是九龍仔之友。
「呵，搵我湊囡，好生猛嗰個高妹？嗯～是但啦，反正都無嘢做，見唔使錢咋。」Leon無可無不可的應道。