《我老婆唔係我女朋友》【那些年／九十年代學界／真人】 第七章全新中篇！: 【第七章】 試身室風雲（１）
試身室風雲
「Lu姐，妳想去邊度買衫呀？」上了往中環的中巴，我問Lulu想點。
「唔知呀，乜唔係你諗咩？」大安旨意似乎是港女Lu的日常。
我只好望向Leon。
他聳聳肩：「落銅鑼灣囉，我哋可以順便巡視業務。」
於是大家在老銅落車，心急的Lulu又不停催促要先去買衫。
Leon向我提議：「喂，帶佢去後面蘭芳道Big John，嗱嗱聲買條牛仔裙算啦。」
當時雜誌上最常見的日系配搭，就是白恤衫襯洗水淺藍BIG JOHN牛仔短裙，再配一對Polo長襪。
「Lu姐聽日同男仔去街，著裙啱晒囉，呵？」我轉頭問Lulu。
「好吖，無所謂呀。」又是一副事不關己的豁達模樣。
BIG JOHN是日本牛仔時裝的品牌，它的牛仔褲和牛仔裙更是當時的潮流指標，深受年青人追捧；BIG JOHN在七十年代開始風靡整個日本時裝界，其後開始擴展到全亞洲，品牌在香港活躍於八、九十年代，在各區都有專門店，位於彌敦道與山林道交界，樓高兩層的旗艦店，更是年青人朝聖的熱點；秉承日本「匠人精神」，BIG JOHN的產品細節包括每顆銅鈕扣、布料藍染以至金黃色綿線的使用，全都標榜日本製造，質素之高屬市場罕有，再加上又是熱捧商品，所以它的售價也位於中高價位，一條牛仔裙動輒也要400到500大洋，還未計經常賣斷市缺貨呢，那時候一條Levi’s還只是200來個大洋，而高級的EA牛仔褲也是800大洋而已。