《我老婆唔係我女朋友》【那些年／九十年代學界／真人】 第七章全新中篇！: 【第八章】 睇星？！自殺咋啩～（３）
你以為教囡游水，可以捉（摸）著人家的腰、臀、腿、胸來示範嗎？此言差矣～以前「粗口會」無囡參加，清一色男極圈，所以有肢體接觸都還說得過去，現在無論教習泳班或在「荔閣會」開工，既有小妹妹，Lulu又來，所以要更加要小心謹慎，萬一有甚麼閃失，真箇前途盡毀，記得第一天見肥直，他已經說過千萬不能咬人屎窟了；不過眼看手勿動的「喪𥄫」倒是可以的。欵～咪誤會，救生員的職業病，留意水中安全咋。
想毛手毛腳？只可以留返對付自己個瘦妹。
接著Lulu開始做練習了，其實這個動作本身沒甚麼難度，作為一個經常運動的PE妹，平日於腰臀的練習已經比其他人多，試做幾下已經掌握了發力位置。
我還在喋喋囉嗦：「嗱，一開始梗係要用力壓浮板落水去做到肩胸下沉嘅效果啦，但當妳條腰可以發力…」
Lulu打斷我的說話：「係唔係噉樣呀？」原來她已經可以單憑蜂腰，做到腰臀彈起，挺胸收腰的波浪形態。
「啊呀，係喇，差唔多喇，但係妳個動作好似無推動向前囉，成套動作如果可以連貫噉做，妳會貼住水面緩慢有節奏噉前進。」我有點驚訝她掌握得這麼快。
「啊哈，噉練法我條腰咪會愈來愈幼囉，正喎！」Lulu興奮得大叫。
「…係呀～妳畀心機練啦～」我都無佢咁好氣，䟴蝶腰減到肚腩？我同七省肥魚都一早有六舊腹肌，變咗型男啦。