《我老婆唔係我女朋友》【那些年／九十年代學界／真人】 第七章全新中篇！: 【第八章】 睇聖鬥士學觀星（４）
「噉如果去睇星要有乜嘢準備呢？」我打算問定先吧，如果按Leon的說法，女生十成都鍾意睇星，以阿心咁文靜（表面）嘅性格都應該喜歡的，Lulu就難講啲。
「夏天睇星，要去空曠嘅地方，首要係帶保暖衣物呀，當然仲有防蚊用品啦，蚊香或蚊怕水之類，跟住先係觀星工具，指南針、星圖、紅玻璃紙電筒仔，高級啲咪用望遠鏡囉。」他隨手取出了一個扣著鎖匙的指南針匙扣，還模擬一下觀測方位的方法。
我就在想，大熱天時要帶保暖衣物，你都癡隱線嘅。不過帶防蚊用品就確實非常重要。
在我沈思期間，中佬又繼續說：「頭先講過夏季入黑後，呃～其實又未必要好夜嘅，有時候11點左右都可以，攞起星圖向正南方睇，仰望向上大約40度左右啦，幾分鐘內就可以認出『天蝎座』喺右手邊出沒，光星連線非常酷似蝎子嘅毒尾巴㗎。而左邊嘅『人馬座』（兩細路插嘴齊說：射手座艾奧里斯！），古希臘嘅觀星者想像佢係，攞住箭射向天蝎嘅半人馬天神。不過我哋東方嘅觀星友，都習慣叫佢做「茶壺」，因為單從光星嘅連線睇起嚟，佢更似中式茶壺。噢，睇時記得壺咀位有啲似噴出嚟嘅水蒸汽，其實係『銀河』呢，一次過睇到好多嘢㗎。」說完後，中年男看看手錶。「咦喂，差唔多夠鐘接放學，今日講住咁多先。」
如是者今天的天文入門crossover《聖鬥士星矢》講座就此結束了。