沙頭角與長洲的距離(重修版): 六十八.

「咁我哋瞓教教豬架喇喎。」我爬上床。

講真，我講完呢句有少少作嘔。

不過我相信情人眼裡出西施，所以我喺佢眼中應該係好得意架。

我合埋眼攬住佢，差唔多瞓著嘅時候就聰到佢嗌咗聲。

「做咩啊？」我問佢。



無啦啦嗌都有嘅。

佢背住我：「你識唔識磋肚？」

磋肚？

「你想我幫你磋肚？」

我唔識架喎。



「係啊，磋住會冇咁痛。」

咁啊…

「試下囉。」

我將隻手拉落佢個肚到用力撳咗幾下，之後就比佢捉住咗。

「咁大力做咩啊？」



唔小心就大力咗。

「咁要點啊？」

你教下我啦。

「你細細力咁打圈就得架喇。」

我估應該係咁？

我輕力咁圍住佢個肚臍打圈：「啱唔啱？」

聽足你指示架。

「啱曬。」



咁就好喇。

「但係我要磋幾耐？」

我一直磋落去嘅話隻手會跛架喎。

佢諗咗陣：「你磋到我瞓著啦。」

我諗應該唔洗好耐架啫。

我一直維持住呢個動作，而我眼皮就越嚟越重。

//



過咗唔知幾耐，我終於起身。

我睇一睇電話：「原來已經晏晝三點幾。」

我想起身，但隻手比嘢砸住咗。

係喎，啱啱伸咗隻手過去幫佢磋肚。

佢扯曬鼻鼾瞓到成隻豬咁，但起咗身嘅我就有啲肚餓。

雖然我有啲驚抆隻手出嚟會整醒佢，但係我唔想餓死。

我慢慢咁將隻手抆返出嚟，然而佢一啲反應都冇。

睇嚟我嘅擔心係多餘，因為佢瞓得稔到好似死屍咁。



//

我換返出街衫之後就落樓買咗個魚蛋粉，仲跟手食咗幾粒大魚蛋。

喺我返到樓下準備上去嘅時候，我停低咗。

「淨係買比自己食會唔會唔係咁好呢？」我喺到自言自語。

講完，我就調頭行返去買多碗魚蛋粉。

之後我又諗起佢嚟緊M，所以我就去咗街市。