大約經過一星期左右啦,所有野都settle down哂
 
咩行長科長班長全部我都冇份
 
冇功一身輕
 
就連學生會每年一度嘅遊花園都完左啦
 
想起遊花園,我又再一次俾人問起,應該話有意無意咁問起
 


「好啦,各位F.1新同學,我地而家開始巡遊下學校啦」
 
帶我地遊花園嘅大姐姐情緒非常high,睇黎佢期待左好耐
 
全校同學都有少少興奮,除左我之外
 
學習讀書上嘅野,大部份都準備好哂,之後就係到揀課外活動嘅時候
 
學校嘅課外活動同其他普通學校一樣
 


有運動、學術、音樂等等
 
總之係有動又有靜
 
可惜我偏偏就唔鍾意玩呢D課外活動
 
我係果種放學想立即返屋企果類人黎
 
我係房入邊拎住份課外活動form,對住佢發呆
 


諗都唔諗就將佢扔埋一邊,繼續做功課溫書
 
邊有咁得閒玩課外活動,功課真係好多好忙架
 
正當我係到溫書之際,媽咪行左入黎我房
 
「小敏,妳一個課外活動都唔揀呀?」佢拎住我張form邊睇邊問
 
「唔揀,我一d興趣都冇」
 
「咁妳邊會有校園生活呀?媽咪當年至少都會玩下家政」
 
我轉個身望住媽咪「我真係冇興趣呢…」
 
「唔通妳呢六年都係咁過?」


 
「我又覺得冇問題喎,咁樣幾好呀」
 
「不如妳考慮下先啦」
 
不過到要交課外活動表果一日,我都係乜都冇填過
 
於是,媽咪都放棄要我參加課外活動
 
到差唔多開學一個月,我仍然係自己一個人食飯同返放學
 
偶然會同隔離位傾一兩句野
 
第一次測驗後,成績中上,已經足夠
 


今日又係上河馬老師嘅中文堂,話明係河馬,佢身型當然有返咁上下
 
而且打開口嘅Size同野生河馬有得揮
 
而且,佢老公真係姓何,佢又姓馬
 
故名為河馬老師
 
河馬佢係果種比較脾氣冇咁好嘅老師
 
講好d,係嚴格,為學校著想
 
講衰d,係更年期一族
 
河馬係好唔鍾意同學唔帶書嘅老師,當有同學冇帶果時,佢就會發哂癲咁鬧人


 
睇黎佢應該入左更年期
 
點解佢會咁心理變態?可能同佢冇得升職關係掛
 
冇理由媽咪同姑姐遲過佢入職,而家兩個都升左主任級
 
而河馬,就仲係一個比較高級嘅老師
 
今日嘅中文堂,坐我隔離位嘅同學好慌張咁搵書
 
事緣佢尋日已經冇帶一次中文書
 
如果佢今日都係冇帶嘅話,結局可想而知
 


佢由落堂開始搵,直到河馬行到入黎時仲搵緊
 
眼見佢就黎急到喊
 
「邊個冇帶書嘅自己出去企!!!」河馬嘅叫聲雖然厲害
 
不過相比起大白鯊,佢仲差幾皮
 
姑姐係果種唔洗喝妳,佢都會令妳個心都會寒果種訓導黎
 
果位同學似乎已經認命,準備起身受死之時
 
我將我本中文書放左係佢檯面
 
而佢,同埋其他坐係我地附近嘅同學,都不約而同咁望住企左起身嘅我