別人名字，我的姓氏(上集): 13. 係排球隊上發展

星期一返到課室，我同Annabelle就好似風頭躉咁樣俾班同學圍住
 
「喂喂!!阿bell、Jasmine!!!妳地上星期五同F.2打果場波真係好好睇呀」
 
「妳地點知我地同F.2打比賽架?」Annabelle問其他同學
 
「唏~果日球場咁多人係到，大家都想八下嘛，睇多兩睇就見到妳地F.1新隊員同F.2果D打啦」
 
「係囉，妳同Jasmine兩個真係好犀利呀，可以同d F.2打到咁」
 




「我地其實一般咋，之前都未夾過，果場都係打天才波咋」
 
「不過Jasmine妳一個人拎左10分喎，唔怪得小龍女直接揀妳入校隊啦」
 
「就係咁先麻煩，我唔想咁高調」我雙手托住下巴，鼓起泡腮
 
「妳好難唔高調喎，妳左右開弓，每一球都嘭嘭聲咁撒落去，可能妳好快就成為C grade嘅主力球員呢」
 
「哈，邊得黎咁快呀?F.2都有D有實力嘅隊員係到架嘛」
 




估唔到，上星期五場比賽，係咁受矚目
 
又到左體育堂，我同Annabelle係場邊兩個人練習，小龍女就係呢個時候行過黎
 
「妳地兩個，上星期五場波打得非常好」
 
「Miss LUNG，係班F.2讓我地者，我地都冇默契」Annabelle係到講返場波嘅事
 
「唔係丫，至少妳地兩個好合拍，Jasmine妳配合Annabelle嘅set波配得好好呀」
 




「妳過獎啦」
 
「唔止我讚妳地，連A B grade 果d同學都讚妳地打得好合拍」
 
「點會呢?」
 
「我地舊年差少少就可以升返D2，因為C grade成績唔夠，所以升唔到。睇黎今年我地實力增強左，可以再嘗試一下啦」
 
「就憑我地兩個?邊可能?」Annabelle非常同意我嘅講法
 
「話妳地知啦，讚妳地嘅唔止我地排球隊，其他校隊都對妳系有讚冇彈，連校長都係」
 
「校…校長?」Annabelle聽見婆婆讚佢果時，有d不可相信
 
「係呀，我地校長以前都係排球隊，所以咁多年黎佢都好關心排球隊嘅發展」




 
「原來校長都係我地排球隊嘅……」
 
係呀，佢撒波應該仲狠過我添架
 
「果日妳地場比賽，校長都有睇，佢好滿意妳地嘅表現。佢相信假以時日，妳地呢屆F.1排球隊成員係學界賽場上會有好好嘅表現」
 
「係!知道!!」Annabelle真係好興奮
 
當Annabelle去左洗手間後，小龍女再同我講
 
「小敏，校長同我講，要俾多d鍛鍊妳」
 
「呀….婆婆又搞咩呀??我肯入隊已經好好架啦」
 




「校長對妳期望好大」
 
「明啦明啦，點解個個都咁同我講」有時我真係聽到厭
 
「因為妳有天份，妳唔覺咩?」
 
「唔太啦，如果講天份，應該姑姐更加多呀?」
 
「Miss Cheung呀…….校長話過，當年佢就係太著重個女嘅成績，將佢運動嘅天份抹殺左，佢有D後悔」
 
我覺得姑姐嘅天份係破壞，而唔係運動囉
 
「難得妳媽咪又批准妳參加校隊，不妨試下係排球上發展下囉」
 
「嗯，我會架啦」如果唔係婆婆嘅話，媽咪點會俾我參加排球隊丫




 
如果真係好似小龍女咁講，我真係有天份打排球嘅話，係唔係應該發展下呢?
 
可能除左讀書，發展下其他野都好嘅
 
爸爸以前同姨丈姑丈都唔係死讀書，佢地幾個都會去打波踢波
 
嗯…就咁決定啦，係排球隊上發展下啦