別人名字，我的姓氏(上集): 29. 初遇小妹妹

學界比賽後，我嘅生活回到正常，即係每星期練兩次波，之後又要補課溫書果D
 
幾經辛苦，終於捱過左F.1
 
唔好以為暑假冇野做呀，暑假我地都要補課、練波之類
 
如果遇上唔洗返學嘅日子，我地三姊弟同埋慧思就會去會所玩，姑姐經常將慧思放係我地屋企
 
升左F.2，身體開始發育，開始黎M，而且個胸開始成長
 




於是，媽咪就帶我去買胸圍，好彩媽咪幫我揀嘅都係青春少女款，而唔係阿嬸款色
 
而且我係暑假時，仲俾兩個姊妹捉左去買衫買鞋
 
我開始大個女，會著裙、涼鞋之類
 
平日嘅髮型，我總係好似媽咪同阿姨讀書果陣一樣，扎起孖辮
 
而到放假行街時，我會將我把長髮放落黎
 




有時候，街上都有男仔望下我
 
而我果兩個細佬就會話「好囉，終於有返個家姐囉」
 
正仆街仔
 
係差唔多開學嘅時候，我地三姊弟一齊行街
 
兩個細佬係街到嘻嘻哈哈咁行
 




「喂!!!你地兩條友睇路呀!!」每一次我都要睇緊呢兩條PK仔
 
「快D啦家姐!!!去睇戲呀!!!」Ethan係我前邊大叫
 
「妖！！！TOP GUN你又唔係未睇過!!!」
 
「去睇TOP GUN2呀!!!」真係唔知點解D男仔咁鍾意睇呢D戲
 
我地三個行到去公公診所附近一個公園時候，浩翹揈一揈我隻手
 
「家姐!果到有個姨姨好似唔舒服」佢指住公園一個角落
 
我地三個行到去果位姨姨身邊，一齊低頭望佢
 
同時間，佢都發現我地三個望佢




 
佢塊面真係白哂，就好似大戲d人咁
 
 我伸手去摸下佢脈搏，好似同平時唔同喎
 
「姨姨，妳好唔舒服喎，不如我地帶妳去醫生先丫」
 
「下…唔洗啦妹妹，我個女就返黎」
 
難聽D講句，等到妳個女返黎，真係送妳最後一程囉。於是，我命令浩揚扶起姨姨，帶佢去公公診所到
 
浩揚一手揪起個姨姨，我地再一齊慢慢行
 
當我地過左馬路後，就見到公公同姑媽帶住個小妹妹係到，佢應該就係姨姨個女
 




果然冇俾我估錯，果時個妹妹就快急到喊
 
我地入到診所後，先知道個妹妹為左自己媽媽而走去偷藥
 
不過姨姨知道後就非常嬲，仲想伸手去打個女
 
係千鈞一髮之際，浩揚一手捉住小妹妹再將佢拉去自己身後
 
估唔到我呢個細佬係咁有男子氣慨，大個仔囉
 
當姨姨入左診症室後，妹妹開始喊起上黎，我就問佢拎個人資料
 
呢個小妹妹叫余家琪，住北角劏房
 
我望清楚佢，真係好似一個人，同時我都聽到佢個肚打鼓嘅聲音，於是我就拎左野俾佢食




 
同佢傾計間，知佢同浩揚一樣，今年6年級，而且佢想揀女校
 
於是我就順勢叫佢揀我果間
 
再睇真D，終於知道佢似邊個啦
 
佢有D似日本其中一個明星，仲要係水著果種，栗田惠美
 
小妹妹真係堅靚女架，而且我仲見到佢有少少胸