二月二十二的約定: 2.重頭開始

每年嘅9月1號，我諗應該好多學生都同我一樣好討厭呢一日 。

因為佢意味住快樂嘅暑假經已播映完畢，亦都等同於忙碌嘅新學年即將降臨。

但係今年-2021年嘅9月1號，我竟然一改常態，差唔多係全班最準時嗰個返到去班房(除咗嗰啲萬年乖乖學霸 )

點解？因為我已經決定咗要由呢一日重新開始，我要從呢三個月行屍走肉嘅生活中脫離。就算我仲好記得我係喺2020年嘅聖誕節同佢表白成功，直到今年六月考試之前先分手。


張敬軒-重頭開始



重頭開始 當你拔去心底裡那根刺
何來流血不止
你還明智 創傷懂得去醫
重頭開始 當你遺忘歷史
往事才擱置
思憶也無瑕如白紙
餘生改寫於此




每年第一日返學日最期待嘅，一定係睇有冇邊對緋聞情侶分到同一班，或者有冇仇家要同一屋簷一個學年。

而今年我哋肥kai鳩三兄弟又可以喺同一班大鬧天庭，帶唔同嘅歌聲(噪音居多)加上歡樂聲俾4B嘅大家。

當課室時鐘嘅時分針去到7:30，4B門口出現咗呢個身影。

本應唔會太有機會接觸到嘅兩人，因為方書賢上年嘅成績進步咗唔少，所以令到我哋兩個會喺4B班嘅班房相遇到。 亦都可以話係為未來即將發生嘅一切定咗個開端。

當漫長嘅開學禮結束，煩膠校長終於完結十年如一，毫無特色，一式一樣嘅冗長對白(就好似呢一段咁) 。



可能係因為佢老人家唔夠氣，所以係比往年嘅內容短。但係對於我哋學生來講都唔係好關事，長與短都應該冇乜人會認真去聽。我淨係知道終於可以解脫啦！

下一部份就去到派發一大堆唔同嘅通告，同埋手冊。仲有一樣最重要嘅流程未做，就係揀選自己係班房嘅工作。

往年男女班長都會係最激烈嘅競爭，但係唔知點解今年竟然冇人想做。

所以係由我哋班主任選擇，但係佢係一個新來嘅阿Sir，咁就導致佢係完全唔了解有邊啲人適合做男女班長呢個崗位。

可以話佢真係亂鳩咁揀，首先係女班長，佢揀中咗方書賢，可能係因為佢覺得方書賢個樣似一個學霸掛 。

而呢個時候好死唔死，我嗰兩個死黨推咗我出嚟，喺度大叫：
「阿Sir，男班長就揀呂旭豪啦！佢好做得嘢㗎，又幫得到老師，D成績仲要幾好㗎。」

跟住個地中海阿Sir又真係聽咗佢哋意見，揀咗我做男班長。我真係多撚謝晒你地兩個畜生，幫我喺新學年增加咗咁多工作….



當課室嘅鐘聲響起，新學年第一日嘅返學日就咁樣硬膠膠結束咯。

出咗學校門口之後，去咗旺角嗰邊食譚仔，食完嘢打咗陣波就各自返歸。

9月1號正式完。
下回待續….