《想溝到女千祈唔好學我咁》: 2.4

「搵阿正啦！佢好幫得手！」當我回過神，先發現，原來舉手果三個，就係阿雄佢哋幾個。
 
 
「喂！」我大叫咗一聲，希望阻止，但可惜，已經為時已晚。
 
 
我再一次俾佢哋出賣咗，而且班長仲要兼任埋班會主副主席，負責統籌班會職務。
 
 
「麻煩曬阿正同學、阿南同學。而家係小息，咁交俾你哋第一個要務，就係幫我落校務處拎啲校簿上嚟先！」




 
 
我行出班房，回頭一望阿雄幾個，佢哋笑得好奸，仲奸過中一開學時候。
 
 
「喂，壞人！」行路途中，阿南打破沉默，主動同我示好。
 
 
「嗯？」
 




 
「估唔到我哋又有機會同班，多多指教！」
 
 
「多多指教。」我隨意地答，只係想快啲攞完簿，快啲返課室。
 
 
「新嚟嘅Miss Lam好似幾好人啊可？」
 
 




「唔知呢，第一日想留好印象掛。」
 
 
「我就話唔係，真摰嘅笑容係呃唔倒人。」
 
 
「你嘅笑容已經呃唔少人啦。」當然我冇講出嚟，只係心入面諗。
 
 
返到課室，我當然立刻同幾個始作俑者算帳。