《想溝到女千祈唔好學我咁》: 2.12

「唔係啊，我好...」


「砰！」我將三百蚊放喺檯。


「三百蚊，買起你個足球夢。」


佢諗咗一諗，然後...






「多謝老細！多謝老細。」係，我只係為交差，先強迫佢轉去手球班。但如果三百蚊可以令佢放棄踢足球，就證明足球喺佢心目中根本唔算太重要。可能曾經係幾重要，只不過當連出場嘅機會都冇，幾大嘅熱情之火都只會慢慢熄滅。


我唔想我嘅朋友浪費時間喺錯嘅地方。


「喇，最後一張。」阿南返嚟之後，我將洛賓填好嘅表格交到佢手上。






「洛賓...點解嘅？」


「因為阿正佢...啊！」知道洛賓想講俾我用三百蚊收買咗，我即刻暗地用電流筆電一電佢，阻止佢講出真相。


「佢突然話唔想踢波。」我答。






「喔...多謝你啊洛賓！」


「唔...唔洗客氣。」電流嘅餘震令佢變得一時口齒不清。


「仲有你哋都唔該曬！」佢對阿雄同阿星講。


「得閒幫我喺阿柔面前講吓好說話就得，嘻嘻！」阿星好羞澀咁摸摸後腦咁講。