《想溝到女千祈唔好學我咁》: 3.1

唔得，唔可以俾一時嘅同情蒙蔽，於是我決定疏遠返阿南，廢時惹嚟咁多誤會。

點知，命運嘅愚弄再次擺我上檯，果陣我哋有一堂叫做「生命教育」。我哋要喺學年裡面完成一個Project，老師將我哋成班分成4個一組，我同洛賓、歐陽南，仲有一個叫關子晴嘅女仔一組。每堂同一組嘅同學都要坐埋一齊，方便交流意見。

「多多指教。」一分好組，坐喺我前面嘅阿南好熱情咁同我打招呼，話曬都要對成年，為免搞到咁僵，我禮貌上都有回應佢。

「點解…又係你。」

「你好唔想同我一組咩？」佢有少許不滿咁問。





「係啊。」我直截了當咁答。

「同女仔一組你掂唔掂啊？」洛賓喺我隔離問，一嚟就篤爆我嘅死穴。

「點解唔同得女仔一組？」偷聽到嘅關子晴笑到好古惑咁問。

「佢唔鐘意女人㗎。」