MK學院: 二.

大家都用兇狠嘅眼神望住對方，粒聲唔出但充滿殺氣。

「你放手先啦撚樣！」

「我就係唔撚縮！你吹咩！」飛龍仔再捉緊啲：「你話放就放，我仲有面嘅！」

「咁你想點撚樣啊？」調撚巧大拎咗煙同火機出嚟：「懶得理你，我食煙。」

飛龍仔一嘢搶走曬兩樣嘢，直接點火：「我要入MK學院！」





「你話入就入啊？」佢扎好馬：「三聲後出招。」

「三…」

「二…」

「屌！」

飛龍仔一腳踢咗落佢上五寸下五寸，懷疑兩粒蛋已經碎咗。





條撚巧大頂唔順，雙手撳住下面咁跪咗落地下。

「三你老母聲啊！打爛仔交同我講呢啲！」飛龍仔比咗隻中指佢。

熟爛仔交，加一分。

「後生仔果然知規矩。」

「邊似你啲老嘢。」飛龍對住佢吐咗啖口水。





事後侮辱，加一分。

條撚巧大撳住地下慢慢企返起身：「歡迎你加入MK學院，之後嘅嘢…」

未等佢講完，飛龍仔已經轉身走咗。

「即係收咗我啦，掰鳩掰。」佢臨走放低咗句。

「依家啲後生嘅真係…」條撚巧大吸咗一大啖氣：「好撚有火、好撚正啊！」

一個著住吊帶背心、短到就見到屎忽嘅穿窿牛仔褲、踢住拖嘅綠色長髮女仔喺條撚巧大隔離停咗落嚟。

佢個陰開咗界，淨冚左眉而唔長過條眉，可見佢對MK嘅執著。

濃妝呢啲就最基本架啦，大眼仔同超濃嘅假眼睫毛都一定要有。





不過講真，都幾靚女。

呢個係院長個秘書，由此可見院長有幾識食。

「起身先啦。」佢伸出右手。

「唔該曬你啊凱婷。」條撚巧大都伸出右手。

喺條撚巧大就嚟捉到凱婷隻手嗰陣，凱婷突然發力用手背一巴煎過去。

條撚巧大挨後避開，之後就即刻彈返起身後退幾步：「你條撚樣！又想加人工？」