MK學院: MK仔女活動事件簿—籃球比賽(7)

地龍皇半信半疑咁捉住佢隻手，之後就比佢一嘢扯咗起身。

狼王拍咗拍佢膊頭，比賽繼續。

//

時間嚟到最後三十秒，比分依然係二比零。

地龍皇帶波嚟到三分線前面，再一次起手。





個拋物線好靚，但唔入。

狼王搶完籃板之後就傳返比地龍皇，而佢都再一次起手。

今次連板都掂唔到，好彩狼王接到。

地龍皇喺最後一秒起手，而狼王就直接Block柒佢。

「咇！」





比賽結束，F班用兩分贏咗呢場比賽。

「屌你老母，收咗錢架喎！」地龍皇捉住狼王件衫：「做乜撚嘢啊而家！？」

有戲睇，正。

「食撚懵你啊！？」蘇乞兒上前就係一個上勾拳：「郁鳩我兄弟？」

地龍皇揵落地下，蘇乞兒都乘勝追擊，一嘢坐落佢去。





收完錢仲要郁鳩人，你哋真係優秀。

「放水咋撚樣！」狼王踩住佢小腿：「冇人話比你贏啊傻鳩！」

玩捉字蝨都有嘅，真係世界級。

「回水啊屌！」地龍皇死淨把口。

你真係有問題。

「你搶到咪搶囉。」蘇乞兒用眼神挑釁佢。

算啦，搶撚到咩？

「唔想嘥力。」蘇乞兒望住狼王：「有冇諗法？」





你哋又有咩玩法啊？

「咁多位嚟請佢食煙啦！」狼王向F班嘅人揮咗揮手。

一早唔關事嘅四葉草同玫瑰仲有佢細佬野狼都行咗埋嚟，左火機右煙仔咁圍住地龍皇。

「嚟喇喂！」蘇乞兒叉住佢條頸。

其餘四個聽到之後就將點著咗嘅煙頭撳落地龍皇啲手手腳腳到，熄咗就再點多次。

四肢都有人負責，永不落空。

//





搞咗一輪，佢哋枝煙終於玩曬。

「我哋對你好好架喇。」狼王彈走煙頭：「有幫你平衝返架，一忽有一忽冇好怪架嘛。」

「走喇。」狼王伸咗個懶腰：「去飲酒！」

佢哋就咁行走咗，得返地龍皇攤喺地下。

我上前：「你攤撚完未啊？」

我仲要搵人嚟掃地架。

「點解？」佢苦笑：「我明明有比錢架喎。」

我知，但冇影響架。





「傻仔，比咗錢就得架喇？」我踎低：「知唔知咩叫食碗面反碗底啊？」

呢個世界有二五仔，仲要好撚多。

通常做二五仔都賺最多，因為佢哋曬兩家。

但做二五仔一定要有料，否則一定會出事。

「你仲有好多嘢要學。」我拍咗拍佢膊頭：「江湖冇你想像中咁簡單。」