英雄決定聯盟：超越人類的智慧: 異界殲滅者2：怒羞成怒（下）
我地番到異界嘅畫面 帳篷一早己經爛左 我無為再整多個 不過呢度天大地大 要搵源頭都係有啲難度
我地隨手將法醫條屍放落地下 如果埋葬佢 好驚好似帳篷咁俾唔知咩人打爛
千干洞 火山洞穴 已經可以唔使再進入喇 因為已經查過一遍 雙頭獸都死咗
如是者我哋搵咗不知何年何月 地老天荒 搵到捷克有少少思覺失調 佢見到異域博士 我哋個個都以為佢眼花 失蹤咗咁耐呀點會出現呀
最後我地係一個神秘洞穴搵到一個訓係度嘅異獸 暗戰帶頭向前睇過去 仲見到異獸個身有個細窿 真係好似俾人打咗支針落去呀 暗戰身上有一張特製嘅纖維紙 佢係一個石壁下嘅細石開始抹起 再俾捷克用眼睛查下睇下有無人類嘅指紋 如果真係有 咁山威博士就一定嚟過呢度
「麻煩你啦 捷克...」除左異獸 山威博士會掂過嘅位置都抹左一遍
「交俾我...」捷克用佢額頭上眼睛 掃描 第纖維紙 過咗一陣不出我哋所料 真係有人類嘅指紋 真仲查到有安格毒素嘅反應 我哋總算搵到源頭
「呢隻異獸 身上有安格毒素 但會唔會同人類一樣都會隨時間消失？」暗戰望住捷克
「唔會..因為佢唔係人類 人類死後屍體會慢慢腐爛 但異獸唔會 只會長期都係keep住呢個狀態..」捷克繼續用佢額上嘅眼睛調查
「人類嘅屍體會腐爛 咁樣嘅話 如果人類接觸左呢隻異獸會中毒..捷克..係咪真係無一種方法可以解除到安格病毒？」暗戰
「都係嗰樣啦 解藥已經絕無僅有...」捷克道
大家都喺度開聲睇戲
「又唔使咁緊張嘅 暫時都唔會死人嘅 我哋掂到佢都唔會中毒㗎嘛 我哋又唔會將佢移動到去地球上 暫時得安全嘅」暗騎只好安慰暗戰道
「最好就係安格毒素可以完全解除..」暗戰道
正當大苦惱之際 跟住 隼就提出一個好奇特嘅方案
「我有疑問...」
「你有咩好提議？」暗戰道
「其實有冇諗過 燒咗啲隻異獸嚟食..？」隼道
「下...？佢死呀咁耐 仲食唔食得㗎...」暗戰道
「但係你燒咗佢 唔係就等於將細菌都消滅呢 咁毒素應該都可以一同消滅 ..」隼道
「大家點睇？」暗戰唔敢妄下評論
「我覺得燒咗佢 再嚟食都冇壞嘅 我地對毒素都有抗體..」暗護贊成道
「不過要咁諗囉 我哋身體仲會唔會存在安格毒素先？人類別可掂到我哋會唔會中毒？」暗騎有另一番睇法
「燒咗佢嚟食 應該毒素會消滅..」捷克都贊成燒嚟食
各人都同意後 決定今日徹底食咗佢落肚
暗戰用一用小法術 係地上生左個火 就咁徒手燒死隻異獸 同原始人一樣 唔需要洗乾淨佢先燒 我地都己經慣左當係家常便飯...
火力如洪 將異獸燒至黃金色 都需要數十分鐘
「我哋唔客氣啦 ..」大家都恐懼食完之後會發生咩事 一人一個部位 最大舊嘅身體 點都由隼嚟食 佢先可以carry到
個個都食到狼吞虎嚥 擒擒青食完隻異獸 大家過左三十分鐘 完全無事 各人仲好似強勁左
「真係無諗過..食完之後精力充沛..」隼道
安格毒素到最後 都真係俾我地消除 唔會再有安格毒素出現係地球同異界 暗戰唔想將呢件事講俾馬克斯村啲人知 除非佢地問起上嚟 再嚟 暗戰決定左一件好殘酷嘅事 佢想將異界所有異獸消滅 山威博士死左 都無人會嚟查異界內嘅異獸 咁佢地唔死有咩用 一陣又話發作 一陣又傻傻地由傳送點去地球 就大擰獲...
馬黑山洞
好大隻變種異獸 模樣有啲似八爪魚 一樣有八隻爪觸腕 但個樣係鯊魚 佢見到我地就不斷攻擊 八個觸腕 夾住地下 要走過嚟兩步就有到達 隼率先用槍對佢亂槍掃射 對佢起唔到作用 不過轉個頭又會變番原狀
「變左種 都咁犀利...」暗戰再諗過另一啲方案 制止眼前呢隻變種異獸...
「一人捉住一隻觸腕 佢唔郁嘅話 直接用劍插死佢..」
「同意 等佢無還拖之力..」暗護道
大家一人捉住一隻觸腕 仲有其餘4隻 變種異獸都會係咁反抗 不過點反抗都無用 佢都郁唔到身體
「呀...」
暗戰跳上石壁 虎嘯嘅魔力刺落變種異獸身上
佢不單無回復 仲消失埋..
「呢個唔係遊戲囉 無端端就消失左 係咩意思...」隼道
「由今日起 大家輪流睇住林立酒館 又嚟呢度研究 點樣做 異獸先會絕種....」暗戰一聲令下 每個人都同意暗戰嘅說話
呢種辛苦我地都係值得...
我地都無埋怨半句...
林立酒館
第一日解封 村長都知道左我地會經手酒館 都嘖嘖稱奇 因為接手嘅唔係其他人 係一班外星人 始終都信唔過...
但無逼於無奈 到最後都無一個人會接手 所以村長無辦法唔俾我地做
第一日村長就走過嚟問我地
「你地係咪真係管得好呢度.？.」
村長正係度巡視鋪頭
「可以嘅...世上無難事..無野係我地解決唔到嘅..唔識咪學到識 我會邊做邊學 地球人大把野學想學都學唔嗮..」暗戰再道「更何況我地人多 可以輪流幫手下..」
「好啦..你有咁嘅決定 我地都唔會反對 本來都係諗緊邊個可以接呢度..」村長道
「你地唔反對外人嚟接手酒館？」暗戰道
「唔反對..」村長道
「咁山威博士同佢細佬點？」暗戰轉左話題
「佢細佬 山威博士同阿英都送去警察處理 喇 佢地話山威博士體內無左毒素 都話我地人類有啲計仔...」村長開心得濟 其他野都唔記得
村長誤會左以為山威博士體內嘅毒素係人類搞點 暗戰都無出聲回應事件 好等佢開心多一陣...
「無事我走先啦 得閒再嚟..」村長隨後離開酒館
「再見..」大家向村長揮手道別
我地keep住異界 馬克斯村莊兩邊跑 係有少少辛苦 但呢個就係我地 異界殲滅者....
（異界殲滅者2：怒羞成怒 完）