英雄決定聯盟：超越人類的智慧: 墜落武士2：末日勇士（中）
小學都未讀過嘅我 就直接入咗中學 讀咗幾年 因為我嘅成績用神乎其技嘅形容 仲可以跳班 比一般人讀得快好多 阿琪都大讚我好叻 好聰明 其實我只不過係擁有雙子星嘅頭腦 橫點阿琪都知道我係雙子星人 佢都無覺得出奇
最近我同阿琪都参加左我有史以來嘅第一個畢業禮貌 又要著咩畢業服 係人類佢地稱為文青look 我著係上嚟根本同書僮無分別 有啲見到仲笑我 阿琪就從來都無介意同嫌棄我 因為阿琪個一件 訂嘅畢業服嘅時候 廠商話得番大一個碼 咁阿琪逼於無耐都要著上身 唔著就等於畢業
不過係開心嘅 呢個係我同阿琪美好嘅回憶
「今日無論如何都要一齊影張selfie先..」我係操場同阿琪一齊 自己揸住部手機
小霸王就走嚟哂搭訕 我仲想講 佢咁既款都畢到業 真係經典
「連你都畢到業 呢個世界有無天理...」佢道
我跳班都跳左幾級 點解我會畢唔到業連大學收埋我 小霸王有時都係抵打 不過今日係開心嘅日子 我放低左本應嘅情緒
阿琪都叫我唔駛理小霸王 當佢吹水就得 當然佢辣慶我 我都啦會俾佢好過..
「你有諗過呢個人好奇怪？」小霸王有啲想挑撥離間
「你想講啲咩？」阿琪道 小霸王根本就唔知我就係雙子星人 佢呢一世都唔知 因為今日之後就唔想見到佢
「邊一個人類可以聰明成咁？」小霸王道
「算啦你 人家有好好讀書 你有咩？少壯不努力 老大徒傷悲 就係諷刺緊你呀..」阿琪幫口道
小霸王都係當阿琪嘅說話係耳邊風...
「唔駛同佢嘈 今日之後 我地都各行各..」我道
「有道理...當俾你玩多陣...」阿琪道
小霸王覺得自己玩唔贏人地就離開我地範圍
到左人類最緊要頒獎典禮 有一個獎項係關於我嘅 一個叫飛躍學業進步獎 話哂都跳班 學校就覺得呢個人係一個人才
首先校長會講一大論野 咩事今日日子對學生嚟講重大意義 要多謝一班老師嘅教導等 話哂今日離開去左學校門口 都未必會番嚟 聯誼之後可能會有 不過我會覺得好渺茫 除左我同阿琪 我係學校都無咩朋友 仲聯乜鬼野誼 ..
人生嘅時間過得快 頒完獎 又同啲老師們影下相 雖然係無咩朋友 但好多老師都想同我呢個奇才影張相留念
係人類嘅學校學到嘅知識 對我嚟講九牛一毛 未畢業之前有啲人都仲係睇少我 總覺得我係一個垃圾 直到讀到大學識到宇太 佢之前係咩麻省學校讀書 跟住意外地讀到大學 佢家境唔係好有錢 但係都好俾心機讀書 學校就幫佢向政府申請資助 佢又好好彩 我同佢情況一樣 只係智慧能力超越左人類 大學就直接收左我
其實去到大學 一樣唔係好識到朋友 所以我同阿琪仲有宇太成日玩埋一堆 食飯又一齊放假又一齊 溫書又一齊 係差在沖涼未一齊
一個月後
阿類急call 話突然要搵我 仲搵到我好急
我哋約咗喺佢嘅天台屋見面
「FDM 可唔可靠 ...」阿類用佢手提電腦查左一整日都整唔到咩資料
「FDM係咩嚟？你開拓你嘅人生？」我道
「我唔係想開拓我嘅人生 前兩日 有一個叫大保嘅人 話自己係FDM組織 仲話外太空有人想整頓成個宇宙..」阿類道 但佢嘅眼神全程都係望住手提電腦
「我醒起啦 摧毀在雙子星之後 就好似有個組織成立咗 主要想對付外太空不法分子 我諗九成九都係呢個組織 佢肯定知道你係雙子星倖存者 先想搵你幫手..如果件事係真嘅話 咁入去組織幫手都係好事」我道
「其實我想重建番雙子星 雖然雙子星入面嘅一草一木都頹垣敗瓦 但係應該仲有得救..」阿類道
「最近我阿媽咪咁講囉 高人軍團的消滅哂 件事丟淡咗咁耐又話想返去 但你都知道啦 根本冇可能重建返原本嘅樣貌 喺地球生活都係一個唔錯嘅選擇嚟...我道
「其實你講嘅係好啱㗎 重解根本就嘥時間 雙子星嘅人都死淨幾個 雖然仲有啲殘存嘅會去其他地方生存 ..」阿類道
不過宇宙真係有不法分子嘅話 亦都係宇宙戰爭嘅開始 咁就有排煩 FDM咁樣落嚟招兵買馬 應該知道地球有佢地用得著嘅地方 定係又想再入侵地球？
呢個FDM都幾厲害 雙子星嘅倖存者都咁易搵到 定係都係巧合..
「雙子星摧毀左 一定會有其他不份法子搞事 呢個戰爭點係唔會完嘅 ..」我道
「我係度都無咩作用 我決定入去FDM幫手..」阿類突然好有幹勁 好值得我去欣賞
「我會支持你 有用得著我嘅地方 記得開聲..」我道
「我相信佢地好快會搵你 你係都雙子星嘅人 而且仲係墜落武士...」阿類道
「唔緊要呀 我都預左幫手...」我再道「都係個句 安全為上 雙子星唔係有幾個倖存者 我唔想你有事..」
「收到哂 我會保重 你都係呀 最近同阿琪行得好埋喎 幾時拉埋天窗..」阿類道
「天窗你都識 你都係度讀過書？」我再道「我同佢十劃都有一撇 唔諗呢啲野啦..」
「仲諗住去飲你個餐喜酒」阿類講笑道
「咪講笑啦..」我道
晚上
人生第一次落酒吧 個場 比較寡 純粹係一間普通酒吧 平平無奇 未試過飲人類嘅酒 都唔算嚟過地球 就係呢一刻 FDM嘅星凱搵到我.. 佢一身撲素清裝look 戴個Cap帽 行埋嚟同我打招呼
我諗都唔諗都問佢
「你肯定係FDM嘅人..」
佢無諗過我會了事如神 一切都掌握住係我手上
「你真清楚呀 好似都幾厲害 睇嚟我係無搵錯人...」
「不過我想知道宇宙出左咩事？」我問
「我先自我介紹自己 我叫星凱 係FMD戰鬥指揮官之一 宇宙出嚟左一個叫天煞星嘅生物 想吞噬整個黑洞 控制整個宇宙 ..我地唔好彩 佢地就攻入嚟我地總基地 幸運地用小法術呃左佢地 我地講過一定要搵番雙子星人..」星凱道
「點解係雙子星人？因為我地己經絕無僅有 想要埋我地去死？」我道
「我地都係雙子星人呀 戰後一直想建立一個組織 搞點呢個惡毒嘅高人軍團 但聽講佢嚟入侵地球嘅時候就俾你搞點左...」星凱道
「外星都有新聞報導. 」我道 我隨便嗌左一杯酒俾星凱 大家都係雙子星人 相聚亦係一種緣份 邊有諗過雙子星仲有人走得甩
高大軍團之後又到天煞星係度搞鬼 真係唔怕死字點寫
「你講嘅天煞星 知唔知道墜落武士嘅存在？」我問道
「鬼會知咩..佢地一整日都掛住擴大個黑洞」星凱好快飲左檯上一杯酒 「啲酒有苦澀嘅味道 」
如果黑洞繼續變大嘅話 分分鐘連地球都俾佢吞噬埋 到時真不之了 真係真正世界末日 講到咩磁場會翻轉 就係入左黑洞嘅情況..
「飲唔慣地球人嘅野飲好正常 我都係知啲唔知啲」我再道「不過我無宇宙船 呢個要靠你..」
「戰艦我都有..］
諗起打架嘅畫面 真係有少少刺激感..
「你基地被摧毀左 點解其他戰艦會無事...」我道
「基地摧毀左 我地仲有另一個基地 呢度我地諗住建造多一個 仲預備升級軍艦設備...」星凱道
佢地己經有全盤計劃
呢次我撞雙子星倖存者 我覺得唔係必然嘅事 只係要點同阿琪講 一來就嚟升大學 無理由同人類講我要消滅宇宙外星人
但我唔鍾意收埋咩都唔講 我點都會同阿琪講番成件事 再睇下點做..
「咁樣啦 我係地球生活都有一陣子 我啱先衝動左少少 希望俾啲時間我..」我道
「無問題呀 我地保持聯絡你...」星凱像完剩下嘅酒「杯酒雖然有少少苦澀味 但我會欣賞嘅 再見..」
諗唔到佢竟然放低左人類嘅貨幣...
未回家 阿琪就酒吧門口 我覺得佢應該聽到哂我同星凱講嘅嘢 佢一樣無咩反應
「係唔係已經聽到哂啦？」我問
「係...我聽得一清二楚 但係我支持你去消滅佢哋 返學嘅嘢唔急嘅 以你嘅聰明才知好快就讀完啦 但係如果真係有外星生物要破壞整個宇宙 到時係地球都會滅亡...」阿琪道
「你信得過嗰個星凱？ 你肯放心畀我去？」我道
「你都係其他星球嘅人吖嘛 而且你仲係最好打既墜落武士 撻住呢個朵冇理由唔去出戰嘅 同埋我會相信你平安無事咁返嚟..」阿琪道
大學嗰度我決定退隱三舍 我冇同佢哋去解釋咁多 我同阿琪都向學校暫時休課 大學本來都有少少唔同意嘅 但校方知道我嘅堅持 決定由你暫時停學 甚至連裕太我都冇同佢講過 裕太佢比較單純 好驚佢口疏 一個唔覺意就洩漏出去
裕太只係覺得好突然 無啦啦要停學一排 但係佢又冇問當中嘅原因
「你啱啱開學咋喎 咁快就有啲突發嘢要休學？」曾教授係教生物學嘅 常常都關心學生 啲學生又鍾意同佢傾計
「有啲私人事要處理下 要去好遠好遠嘅地方..」我道
「我知道你係墜落武士..不過咁 我知道呢個身份你唔想公開俾人知 我會幫你保密 我諗你今次又學應該都係同呢個身份有關 ..」曾教授突然細細聲道
「點解你會知道㗎？我好似冇同咩人講過我真正身份嘅事..」我係唔係洩漏咗啲乜嘢出去 定係阿琪已經同佢講咗我嘅身份..？
「我睇人好叻嘅 上一次見你打高人軍團嘅時候就 已經記住咗 同埋都知道你係一個可造之材 跟住我就喺度諗 你可以讀到大學一定唔係偶然 你嘅智慧應該遠遠超出咗人類 所以你好大機會係外星人..」曾教授再道「 我哋行咗去學校門口外面傾啦 我暫時都冇課要教...你ok呀嘛..」
「ok呀 」我道
學校始終都係太多人聚集 講講下一定會畀佢哋聽到就弊傢伙 曾教授份人都冇乜嘢嘅 起碼都識得體諒人
因為要搵一個懂得體諒自己嘅人 我覺得好難 亦都唔係個個都認同唔到 有啲仲會覺得佢喺度扮代表
「你有冇啲乜嘢想講呀？」曾教授道
「你真係咁想知道關於我休學嘅事？」我道
「諗住睇下有冇咩可以幫到你 上次高人軍團襲擊地球 我諗應該會陸續有來 同埋宇宙有其他外星生物嘅存在嘅機會性都高嘅 ...」曾教授道
「你係咪本身對呢啲有研究？」我道
「係呀 我都知我係教生物架喇 課餘唔多唔少都會有興趣呢啲有趣野..」曹教授道
「我唔多講 搞點會番嚟上堂 你地人類都幫唔到啲咩..」我道 係外太空出現外星生物 點叫地球人幫手..
人類有火箭 我地有太空戰艦 人類嘅文明 同科技都大有進步 又未到我地嘅level 不過我都欣賞地球人有種堅持 同我地唔同 反面有啲野都真係可以同地球人學習..
「有咩需要 隨時搵我..」曾教授離開學校範圍
「你唔駛番入去學校咩？」我遠處向曾教授叫嚷
「中午時間 去食飯嘛...」曾教授仲向我揮手道別
原來時間過得真係咁快... 我己經注意到曾教授每次食飯都好準時 前日己經係咁 遲多一秒都唔得 應該無野緊要得過放飯..
本應同裕太食飯 不過下晝個堂就嚟要上 又好怕食唔切 橫點上完都放學 我都係決定放學先再食啲野...
係背後嘅大保望住平板電腦 由星凱send嚟嘅一張相 就係我嘅真面目 大保唔覺得我就係墜落武士 一啲都襯托出英雄嘅風格 我只係個乳臭未乾嘅豆丁 佢最後係度嘆左一口氣...
星凱的確都係從我口中探話 又無真係測試我嘅能力去到邊 呢樣有少少失策 但大保無怪責過星凱 因為大保相信隊友嘅眼光 最多攬住一齊死...
而FMD不斷專注於宇宙嘅和平 令每個星球都得以安全 免受外來生物入侵 不斷增強自己 仲要擴大戰力 就好似高人軍團 出事嘅時候又無能為力 到而家天煞星佢都做唔到啲咩 邊有諗到天煞星原來無時無刻都係你身邊出現 而自己又無防範過....