或者,唔係一個你中意既故事: Ch.2
14/2 又係街邊一對對 欺凌單身人士既月份.
洗完面之後 我返到自己個位 手機震左震
正當我想睇既時候 一對凍柑直擊我面門.
[哇,做咩阿.] 我邊拉開佢隻手,邊講.
[見你傻下傻下,俾啲刺激你,等你精神啲囉],佢用溫柔既笑容,細細聲咁講。
#依位係我既好同事加中學同學,我都估唔到 香港可以細到咁。佢叫Ann 一把黑長直既秀髮, 170既身高 ,好瘦;有幾瘦?大概係正常男人一隻手就可以攬晒佢條腰. 身材就平平無奇 大概養份都去晒身高到.
[咁係咪要多謝你阿?]我用死魚眼咁望佢.
[我受得起架~]佢依舊唔知醜咁講.
[扮工啦你,小心一陣又比人話] 我細細聲咁同佢講.
[好啦,唔好唔記得阿,今晚約左你食飯阿] 佢講完單左下眼,就走返去佢個位.
我回頭嘆左口氣,又做番好我社畜既身份. 睇返電話, 一個whateapp通知。