風之鍊金術士譚:與異世界女高中生之邂逅: 第10章: 咖啡店的小夫妻
第10章: 咖啡店的小夫妻
「你好，歡迎光臨！」
漢什和巧晴一進入咖啡店內，店內同樣又是雙馬尾茶色頭髮，穿著圍裙的少女侍應有禮地表示歡迎。
「呢度有位啊。」
少女侍應向漢什他們指示著咖啡店的其中一張兩人空枱。
「唔該。」
接著，漢什和巧晴亦選擇在這張空枱坐下。
這間咖啡店看來只有一個侍應在服務，不過這間咖啡店的店面是比較迷你的，只有一張吧台及五張餐枱，所以只有一位侍應也算是可以應付的。
「你好啊......漢什先生？個女仔係？」少女侍應也過來向漢什說道。
「佢係......」
「唔通係你女朋友？」少女侍應突然對漢什像開玩笑般問道。
一聽明被這樣調侃，巧晴立即被戲弄得臉紅。
「唔係啊......唔係啊！」臉紅的巧晴急忙搖頭否認。
「唔好玩啦......艾絲卡......我哋只係普通朋友咋......」漢什從容回道。
同時，漢什也說出了這名少女侍應姓名，看來他們兩人應該本為相識的。
「講吓笑咋......唔洗緊張喎......」
「你真係啊......」
「唔好意思啊......你哋想要飲或者食咩嘢㗎？」艾絲卡回到正題為漢什和巧晴點餐。
「我照舊要奶茶溝咖啡。」漢什想也沒想就下了決定。
「奶茶溝咖啡？鴛鴦？」巧晴感到似曾相識 說道。
「鴛鴦？」漢什不解問道。
「冇嘢......鴛鴦係我哋香港對奶茶溝咖啡嘅叫法。」巧晴急忙解釋道。
「咁我要奶茶啦。」巧晴同時亦對艾絲卡作下單。
「仲有……再加兩份三文治。」漢什補充道。
「明白......咁麻煩你哋等一陣啦。」
之後，巧晴和漢什也在餐枱一同等待他們點的飲料和餐點……
「話時話……你同個侍應好熟㗎？」
就在艾絲卡正在作其他事的時候，巧晴突然有點好奇問道。
「因為我喺呢度嘅熟客……有時工房冇生意嗰陣，我都會過嚟呢度輕鬆吓，久而久之就同艾絲卡羅傑佢哋熟落啦。」
「羅傑係？」
「係喎……冇同你講㖭！羅傑咪就係响吧台嗰到沖緊咖啡嗰個男仔囉。」漢什指向吧台處正在沖調飲料的男子說道。
「嗯嗯。」
「仲有，其實艾絲卡同羅傑係一對夫妻嚟㗎，呢間咖啡店就係佢哋兩個一齊打理嘅。」
「咁都幾sweet嗰喎！」巧晴感到有些羨慕地說道。
「你哋兩個嘅咖啡溝奶茶同奶茶喔。」
就在此時，艾絲卡把已沖好的飲料奉上給漢什和巧晴。
「唔該哂！」漢什和巧晴異口同聲說道。
「至於你哋要嘅三文治依家整緊，淨間就到……」
「唔緊要嘅。」巧晴從容說道。
其後再等了一會後，漢什他們點的三文治也送到，就在他們準備開始享用的時候……
「唔好意思啊……艾絲卡小姐，你同羅傑係咪真係夫妻關係啊？因為我見艾絲卡你睇落都係十幾歲未成年，應該未會咁快結婚㗎？」
就在艾絲卡放好餐點準備轉身離開時，巧晴突然有點不解地向艾絲卡追問道。
「咩嘢未成年啊？我今年十七歲㗎啦！係成年人可以結婚㗎啦，我同羅傑係真心相愛嘅夫妻嚟㗎！。」
艾絲卡轉頭對巧明回應道，同時強調自己和羅傑的關係。
「十七歲？只係大我一年咋喎……但你都係未夠十八歲……未算成年嗰喎……」巧晴點出乎意料地回道。
「其實呢……我哋呢到係十五歲就算係成年人㗎啦。」漢什從旁對巧晴註解著。
「咁即係我喺度都算係成年人？」
聽到漢什的註解後，巧晴感到驚訝和難以置信。
「冇錯啊。」漢什理所當然地回道。
另外，巧晴亦諗深一層想著，這裡本身對巧晴來說是一個異世界，所以有些的習俗和想法會和在香港的時候有所不同也是不能見怪。
「原來巧晴你同我都係差唔多大咋......睇嚟我哋可以做好朋友喎。」
「吓？真係......」
「冇錯......因為我覺得你份人幾風趣......幾可愛囉。」艾絲卡對巧晴貶一貶眼說道。
結果，巧晴整個人也因而感到莫名其妙，對於自己給艾絲卡心中的形象。
「咪睇巧晴佢咁樣啊......其實佢不知幾......」
「咪亂噏呀......漢什！」巧晴紅著臉亦有些激動地打斷了漢什的說話。
但是，巧晴這樣喊叫的反應，也引起了咖啡店內其他客人的注意，故此巧晴在知自己成了全場的““焦點””時，因而也急忙收一收歛及感到尷尬無比。
「係係......我唔講唔講......」
「真係啊......」巧晴心情有些黯淡無光地說道。
「佢哋兩個成對歡喜冤家咁......睇落感情唔錯吖......」同時，艾絲卡在心裡面鑑賞著漢什和巧晴剛才的互動。
「唔該！」
就在此時，咖啡店內的其他客人舉手呼叫著艾絲卡......
「唔好意思，我依家過嚟！」
「如果你哋兩個有進一步發展嘅話，我可以幫你哋助攻㗎。」
臨離開前，艾絲卡順勢貶一貶眼對漢什他們兩人補充著，之後就去服務剛才呼叫自己的客人。
在聽到艾絲卡這樣說後，巧晴和漢什也一時不知如何回應……
「算啦……開始食嘢啦。」
「都好嘅……食完再諗啦……」巧晴同樣認同。
接著，巧晴也和漢什一同開始享用餐桌上的三文治及飲料。
「杯熱奶茶幾好飲喎……搞到我好懷念以前喺香港嗰陣時啊……」
巧晴對著枱上的熱奶茶，又開始出現睹物思鄉的情況。
「做咩事啊巧晴？」漢什見巧晴對著枱上的奶茶若有所思般發呆的時候問道。
「只係有啲掛住以前喺香港嘅日子啫……因為呢杯奶茶令我諗返起茶餐廳啲港式奶茶……」
「茶餐廳？港式奶茶？」漢什不明所以問道。
「係香港常見嘅餐廳，而港式奶茶算係香港嘅特色嘢飲，我以前去茶餐廳食嘢通常都會叫港式奶茶嘅……所以而家一見到奶茶就無意中諗返起……」巧晴如實說道。
「原來係咁……聽你咁講……睇嚟你講嘅茶餐廳嘅奶茶應該係你鍾意嘅嘢嚟。」
「都可以咁講嘅……雖然唔係啲乜高級嘢飲，但對我嚟講好特別……算係好啱我胃口。」
「有機會都想試吓……」
「嗯嗯……有機會嘅可以推介你飲。」
之後，巧晴也繼續和漢什各自進餐著，期間由於客人不多的關係，艾絲卡和羅傑也暫時沒甚麼事可做，只是作一些餐廳內的清潔……
然而，艾絲卡和羅傑兩人卻開始作出親蜜的互動，由於羅傑是在吧台內的，因此他們兩人的互動方式只是限於言語及眼神上。
但是，這也無助他們兩人放出““閃光彈””，使在場的客人不禁對他們感到一絲的羨慕。
當中，亦包括了在和漢什一同用餐的巧晴......
「其實都幾幸福啊......佢哋兩個......」巧晴凝望艾絲卡和羅傑時不自覺羨慕著。
「因為佢哋係真心相愛㗎。」漢什也表示認同。
「冇錯啊......」
之後，巧晴繼續凝望住艾絲卡和羅傑打理店面的樣子，同時心中開始出現了一些想法......
「其實如果有機會嘅話......喺香港同到人結婚，再一齊搬到一個歐洲小鎮度......開間鋪頭仔，過住悠閒打理店舖嘅生活或許都唔係懷事嘅.......」
「又可以遠離香港嘅塵囂同壓力，嘗試活得簡單......因為比起香港，呢度可能先算係生活......而香港只係生存......」巧晴不繼反思著。
而漢什見到巧晴很認真地不知何故在沉思著時，也很識趣地不打擾她，繼續獨自用餐。
最後，漢什和巧晴也享受完其餐點及飲料後，也選擇再坐了一會放鬆一下才結帳離開。
「歡迎下次再光臨啊！」艾絲卡不忘表示道。
「好喔。」
「喂......巧晴，如果你真係同漢什一齊到，記住通知喎，我同羅傑會好好祝福你㗎。」
「咪亂講啦艾絲卡！」巧晴尷尬地不滿道。
「講吓笑咋......不過希望巧晴你可以之後多啲嚟呢度放鬆啊......我哋隨時歡迎你。」
「真係啊.....但聽你咁講，我之後就唔客氣啦！」
之後，漢什和巧晴也先在附近的檔攤買了一些日用品，再在天色完全入黑前回到工房......