文迪 J 文集: [聲演系列] 叛逆呀妹 (七)

鄰舍廣哥 Part 1
 
一段日子過後, 呢日星期日, 洛儀屋企一早就有人撳住佢哋門鐘。
 
叮噹, 叮噹
 
無幾耐後, 洛儀朦朧之間就聽到出便, 呀爸呀媽好似同人傾緊偈咁, 洛儀起身行出廳度睇睇。
 
但見有條仔正指住洛儀咁問,「咦, 呢個係洛儀定係洛心呀?」
 


同一時間, 家姐洛心亦響房度行緊出嚟, 「咦廣哥? 好耐無見喎, 做咩今日咁得閒上嚟坐嘅?」
 
洛儀 :「喂大隻廣, 攞咁多海味上嚟過大禮呀?」
 
呀廣傻傻吓摸住個頭話 : 「唔係, 係洛叔托我老豆幫手買咗啲海味, 咁我今朝咪幫老豆攞啲海味上嚟比洛叔, 同順便嚟探吓妳哋屋企之嗎。」
 
呢個廣哥, 係洛儀屋企以前住隔離屋嘅何伯個仔, 因為洛叔以前成日都過何伯屋企度打麻雀, 所以佢兩姊妹亦有跟埋過去隔離屋度玩, 呀廣年紀雖然比佢兩姊妹大小小, 但佢兩姊妹以前就成日都恰到呀廣死咁滯。
 
最記得有次佢哋兩姊妹響呀廣間房度玩夾手夾腳除佢條褲, 跟住條友比佢哋搞到喊咁話比何伯知, 最後, 佢兩姊妹就比老豆鬧到飛起, 但響果次, 佢兩姊妹就第一次親眼見到男仔果條啫啫係點樣嘅。
 


洛儀鬼鬼馬馬坐響呀廣身邊度講 :「喂大隻廣, 而家個 look 都好掂吓喎, 睇嚟平時溝唔少女啦。」
 
呀廣聽到之後亦超住洛儀咁話, 「呀儀姐妳都好一表人材啫, 睇怕平時妳都收咗唔少兵啦。」
 
洛儀 : 「麻麻哋咁啦, 見你而家都叫做有少少型, 嗱, 一陣有無興趣陪吓儀姐去行街街先?」
 
呀廣 : 「超, 我陪人去街收好貴過喎, 咁妳出得起幾多錢比我先呀?」
 
兩個人延續小時候嘅鬥咀, 跟住洛儀就先去換衫, 而呀廣就坐多一陣之後, 跟住二人就一齊離開屋企落樓而去。
 


街上, 兩個人正邊行邊講番以前細個啲嘢。
 
呀廣 : 「嘩儀姐, 妳條裙都好摟屌吓喎, 妳使唔使咁益街坊呀?」
 
洛儀 : 「窮吖嗎, 所以咪要着番細個條裙囉, 但我有着底褲出街架, 不過條底褲就好 sex 嘅, 點啫, 係唔係聽到扯哂旗呢?」
 
呀廣 : 「係呀, 扯哂旗呀, 我而家真係有衝動想拖呀婆過馬路添呀。」
 
洛儀 : 「呵呵, 咩而家咁重口味呀? 不過細個果陣你又真係成日都拖住我行番屋企嘅。」
 
呀廣有啲不屑地講 : 「唓, 果陣時妳細個, 而呀媽又吩咐我揍妳放學果陣, 一定要拖實妳咁行之嗎。」